منتديات الفن التشكيلي
أهلا وسهلا بك زائرنا اكريم ونأمل انضمامكم لنا ومشاركتنا
منتديات الفن التشكيلي

منتدى يهتم بالفن التشكيلي واللوحات السريالية


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

استاذه آحاسيس صامته ابقي معي (الحلقة العشرين)

استعرض الموضوع السابق استعرض الموضوع التالي اذهب الى الأسفل  رسالة [صفحة 1 من اصل 1]

ملك الغابة

avatar
مشرف منتدى الترحيب والتبريكات

يالله يوم قالت لي هالكلام ريحتني مره الله يريحها

طمنتي وهدتني الروعه راحت
احس بديت ارجع مثل ماكنت
راحت الرجفه والنفضه

قالت شوفي الجوال حقه ارميه والهدايا كلها ارميها تخلصي منها

ترا بيرسل رساله وبيقول تاكدوا وفتشوا غرفتها واذا لقوهن بيتاكدون وقتها


قلت أي والله انك صادقه

بس وشلون اتخلص منهن؟؟


قلت بكره باجيكم اشرح لك انجليزي صح

جميعهن و خليهن بكيس وعطيني الكيس وبارميه في أي زباله وانتي بكرامه..


ويالله نومي اللحين ولا تهتمين فيه ابد...


سكرت السماعه وطبعا ماجاني نووووووم

افكر في اللي صار لي وافكر بخيانته
حتى لو اني انا خنته صدق مايسوي كذا مفروض يتاكد اول من خيانتي ويخوني صح او يتركني

مو يروح يفضحني عند اهلي ويقول اني اطلع مع شباب بدل ماروح المدرسه واني
واني واني..................



وافكر بطيبة افراح

وكيف هدتني,, ياحبي لها هالبنت
.......
اذن الفجرياسلام وانا مانمت
وامسك كتابي اراجع شوي

واروح للمدرسه
والحمدلله الامتحان سهل وحلو




وتجينا افراح واعطيها اغراض الزفت

طبعا الرسايل من كل مواقع الانترنت تجي على جوال ابوي طبعا انواع السب
فيني انا ورغد

المشكله مادري كيف عرف رقمه؟؟؟


وابوي عادي جدا يقراها بصوت عالي ويضحك

مره يقول بنتك ضايعه
بنتك لو تكشف عليها بتلقاها حامل من السواق

بنتك مافيه واحد من شباب الرياض وجده مايعرفها
وهكذا,,


وانا احترق ودي اقتله الله يقتله
صرت ادعي عليه في كل صلاة

وكل ماسجدت اقول ياااااارب جعله بحادث يخليه معاق طول العمر

الله يحر قلبه مثل ماحر قلبي

جعله السرطان اللي يمشي بدمه ويموته ويفكني منه..

خلا حياتي خوف وقلق
الله يقلقه طول عمره..


بعد اسبوع ارسل لابوي فتش غرفة بنتك وبتلقى جوال وعقد هديه من حبيبها

قراها اخوي وامي على طول رقت غرفتي وفتشت


حمدت ربي ان افراح علمتني وحرتني والا كان هنا رحت فيها

طبعا فتشت ومالقت أي شئ

امي كانت شاكه فيني
لانه يقول ترا رغد تجي بغرفتها على النت وديما تكلم حبيبها

وصدق هذا حالنا


ابوي كان واثق جدا مني ولا اهتم ابد
بس وده يدري من هاللي يرسل

حتى كان يقول جوالي هاليومين جاه عز مو طبيعي في الرسايل
اول ماتجيني الا رسايل الجوال عزيزي العميل انت على و شك استهلاك حدك الائتماني اوشكرا لقد تم استلام المبلغ.

واللحين صار يأشر لي الذاكره ممتلئه



....أمي تغيرت معاملتها معاي بالمره
صارت تشك في كل كبيره وصغيره
وياويلي انا ورغد لو قفلنا باب الغرفه
او جلسنا لحالنا نسولف
أي شئ تشك فيه


وماتتخيلون كيف البنت تعيش اذا شكت امها فيها
وفقدت ثقتها منها

والله يلوم اللي يلومني...
حياتي كلها صارت نكد وخوف وقلق وحيره
كل يوم اتمنى الموت
ولا اني اضيق اهلي بكلام ورسايل هالخبل
او اني افقد ثقة امي فيني
...... عشت اصعب ايامي , كرهت حالي,.......



ماعندي الا افراح اكلمها
كل يوم
اشكي لها همي وغمي وحزني وتعبي


واخبرها بالجديد

وهي واااااااقفه معاي
وتطمني وتركدني
وتوصيني بالدعاء وتدق وتتطمن يوميا
الله لايخليني منها
ويخليها لي





بعد اسبوعين من هالرسايل وهالسب


ارسل الزفت لابوي رساله من رقم جوال سوا
هالرسالة/
--------------------
انا مضطر ارسل لاخوانك رسايل عشان يعدلون وضع بناتك اذا كنت ماتقدر تعدلهم--------------------


طلعنا الرقم صار باسم سوداني ومن هنا وهنا عرفنا انه
يشتري بطايق باسمه ويبيعهن في المحل على اللي يجونه

بعد رسالته هاذي خفت مره مره
بيفضحني عند عماني الله ياخذه
مو كافيه اهلي
ليه حاقد لها الدرجه وش سويا انا له؟؟؟؟؟
هاذا جزاي؟؟؟

حتى لو كنت مثل ماقلت لي (مي) عني
مايستدعي كل هالحقد علي
وهالسوايا اللي سواها فيني
.................................





ادق على افراح وابكي عندها من القهر
كل مادق احد أعمامي قلت اللحين بيقولون جتنا رسايل من...........................الخ



.....




اعصابي متوترة جدا
لاأستطيع الإكمال

المعذره يا أعزائي

ساتوقف عن كتابة الحلقات

ُيـــــــــــــــــــــــــــــــــــــــــتْـَبع

مع كاتبه اخرى...
تكمل لحضراتكم ماسبق




].•´¯`•.•• (الحلقة العشرين) ••.•´¯`•


آآآه منك يالخاين .. يانذل ياحقير حتى الخيانه ماتوصل للي سويته

قريبتك ومنك وفيك !! تسوي عليها رجااال؟؟؟؟؟؟؟؟؟؟؟


حتى لو خانتك المفروض تقابل الخيانه بالخيانه مو تفضحها وتكذب وتفتري على البنت

وتحوس حياتها؟...!!



آآآه منك ياللي ماتستاااهل ديمااااااا.. ولا تستااااهل أي بنـــــــــــت


حسبي الله علييييييييك حسبي الله علييييييييييك حسبي الله علييييييييييييك

الله لا يهنيك ولا يوفقك ولااااااااااااا يسااااااااااااامحك


جعلك المووووووووت اللي ياخذك ويفكناااااااا منك

الله يجازيك عاجل مو آآآآآجل
تشوووووفها في خووواتك ياااااارب

يااارب أنك تعاقبه وتخلينا نشوفه كسير حسييييييييييير ياااااااااللله


يارب مثل ماكانت ديما ضحيته هالسنه تصير الضحيه اخته السنه الجاااااااااااااايه


وتحر قلبه زي ماحر قلوبنا على ديماااا

لا لا يااااارب

استغفر الله .. وش سوت اخته؟؟؟؟؟؟ فينا عشاااان ادعي عليهااااا


يااارب أنك تعاقبه هو وتقهره وتذله




آآآآآآآآآآه من يشرب دمك يالظـــــــالم يالخاااااااااااين


8
8
8
8

كان هذا دعائي كل ماتذكرته وتذكرت فعايله ..

الله لايوفقه اللي عطته قلبهاااا وحياتها وعمرهاااا وهو مايستاااهل
والله اني عارفه ذا الشيء مو غريب عليه ولا على العياااال

بس وش اسوي بديمووووه


ياما نصحتها وحذرتها منه والله يهديها ماكنت تسمع نصايحي



خلااااااااااص ماينفع شيء



اللحين بس ياااربي ودي اسوي شيء ودي
اوقف معاها المسكينه الكل عليهاااا وانا اقرب وحده لها وإذا ماوقفت معها اللحين ؟؟ مت بوقف؟؟


بس والله أنها ماتستاااهل

إني اوقف معاها وهي اللي تخلت عني وعن صداقتي عشاااانه


ياااااااااارب والله اني محتاااااااااااااره أوقف معاها او لاااااااااا؟؟؟؟؟؟!!

بس كيف بأوقف والوضع صعب و وشلون افكها منه

وشلووووووون؟؟ أكلمه!! وأهاااوشه؟!!


لا .. لا ماااراح يقدم ولا يأخر ..إلا بيتطنز علي وبيصرخ في وجهي

ويمكن يسكر السماعه !!


يعني بأفشل نفسي وبس.

لا والله مو افراااح اللي يفشلها ( هالكلب)؟؟

لا والله مو كلب لأن الكلب اشرف منه ويعرف الوفا

أجل وشهو .. ايه بندر الزفت
أي والله مثل الزفت (( الزفت=الإسفلت ))


إلا ليييييييه مااعلم ابوي بالسااالفه كلها بس وش اقوووووله
وش اقص علييييييييه؟؟؟؟؟؟!!!


أقوووله ديما تكلم!!!!!!!!
ديما خوية بندر ولد ....؟؟؟!!

وأنه هو اللي تزاعل معاها وراح فضحهااااااااااا..؟؟؟؟

وابوي ماعنده خبر بالسااالفه .. اروح افضحهاااا!!

لا ... والله ماأقوله ..مجنونه أنا؟؟؟ وش بيقول ابوي ؟؟
بيعلم اهلها وبيضربونها لا لا لا



لا بعد أخاف يرتفع الضغط عند ابوي ويصير فيه شيء بسببي


لا لا من جد انا متهوره

طيب


يااارب شسوي ابغا اساعدها ..؟؟

حرااام اتركها كذا .؟؟ والله حراااااااام اكييييييييييييد انه ماااراح يسكت ..
على ذا الشيء بس .. أخاف بكره ولا بعده يخلي اخواته يصورنها وهي بالعزيمه او المدرسه ويحط صورتها بالنت

والله مو غريبه علييييييييييه هالحركه

لا لا اشوى جوال الكاميرا ممنوع


بس مهما كان لازم اساعدها وافكها منه ..

ااااااااااااايه مافيه إلا هند هي اختي الكبيره والمتفاهمه

اكييييييييد اني إذا علمتها القصه بتساعدنا هي عندها خبره بالحياه

اكيييييييد بتعلمنا وش نسوي .. وبتوقف معانا..


لا والله في الحلم توقف معانا إلا بتهاوشنا وتشتمنا

ايه معليش تهاوشنا شوي ثم توقف معانا

احنا صغار ومانعرف شيء في الحياه والحياه تجاااارب

لا لا
هند اكيد بتعلم امي وامي بتعلم خالتي

الحريم ماينقال لهم سر



أجل وش اسووووووووووي ...؟؟؟؟؟

مالي إلا أدعي الله أنه يبعده عنا .. ويفكنا من شره



ومن قلب محترق مظلووووم
رفعت يدي وسألته بأسمائه الحسنى
ياااااااارب
يااااااااارب يامجيب الساااااااائل ويااافااارج الهم ويامحيي الخلق بعد المووووووت
اسألك يالله انك تفرج الهم والغم وتفكنا منه ...


وأنا أدعي طرا في باااااااااااااالي


ليه ماأعلم

أخوي الكبير عبدالرحمن

هو اقرب واحد لي من اخواني وهو اللي متفاهم ومتعاون
مع الكل

واكييييييييييد بيوقف معناااا

يالله يااااأفراااح

اتكلي على الله وقولي له بكل شيء
هو رجاااال وبيعرف كيف يتصررررررف


لا لا أنا مجنونه
اكييييد بيهاوشني ويمكن يضربني


معليش والله اني استاهل اني اتهاوش وانضرب بس اهم شيء نفتك منه


بس اخاااف ياخذ مني الجوووال ويمنعني من النت

والكمبيوتر إلا بيكسره فوووق راسي

وأنا عاد مااستغني عن ذ ولاااا!!


لالا أن شاء الله مو مأخذ جوالي أكييييييد بيراقبه شهر وبيعطينياه


بس اكييييييد بيمنعني من النت .. لاأنه راس البلى

عاد هو يكرهه من زماان وش لون عاد اللحين !!وماوافق عليه إلا عشااان دراستي تتطلب هالشيء
بالطقاق خله يمنعني منه سنه وشوي واتخرج


أي والله مافيه إلا عبدالرحمن

يالله بس خلني اشوووف وقت

مناسب واعلمه

جلست ثلاث ايام وانا افكر
كيف بأقوله وشلون


إلى ماجاء ذاك اليوم واشوفه جاااي لناااا هو وزوجته

واناديه


قلت: ابغاااك في موضوع مهم

قال: وشو؟

قلت: مايصلح اللحين إذا جيت لحالك اقولك

قال: خلااااص . بكرة بعد صلاة الجمعه اجييييك وعلميني



مرت الساعات بسرعه
وكانت بالنسبة لي اسرع من البرق

جت الساعه وحده ونصف وانا بغرفتي
خلصت من الصلاة

وبقيت في سجاتي أدعي ربي أنه يسهل علي المهمه وانه يكتب لي الخير فيهاااا

وإذا بأخوي يدق الباااب ويستأذن بالدخووول

فتحت له الباب وحييته







ملك الغابة

avatar
مشرف منتدى الترحيب والتبريكات
](أفــراح )
[size=16]
*

*[/align]

[align=center]

وعلى طووول دخل بالموضوع
هاه افرااااح وش الموضوع؟؟ اللي بغيتيني فيه؟؟؟؟

جيت بنطق ماقدرت لساااني صابه شلل ما يقدر يطلع الحروف سليمه وماغير اعيد (( ودي اقولك بقصه ))
يمكن عدتها اكثر من مرررره


وهو يناظرني ويقول
وش القصه قووولي.. وش فييييييك ماخبرتك كذا .. وين جراءتك؟؟


كل الاستعدادات والتجهيزات والمقدمااات اللي حاطتها في بالي رااااحت

عقلي فضى


لا لا تلومووووووني الموقف كان صعب جدا جدا

كل واحد يحط نفسه بموقفي..؟؟



عبدالرحمن حس ان الموضوع فيه شيء وإلا ما كان صرت كذا..
قال لي . توكلي على الله وقولي اللي عندك .

شفيك كأنك خايفه مني

ابتسمت

وقلت تبي الصدق أي والله اني خايفه منك


ضحـك وقال آآآآآفاااا تخافين من اخــوك

قلت اخااف تعصبين وتنقهر مني وتضربني

ضحك وبقووووه وقال يابعدي انا ماعمري قد ضربتك عشان اضربك اللحين ويعل يديني الكسر إن مديتها على اختي

قلت أحلف أنك ماراح تضربني

تغير وجه وناظرني بنظرة استغراب

قال ان كان تستاهلين الضرب بضربك

قلت ايه والله استاهله

قال الحمدلله عقالي فوق راسي . وش تبين اضربك مقدم قبل الموضوع او بعده او أقسلط
قلت اقساط


ضحك وقال عجليني يابنت الناس ترا بسافر الساعه 8 المساء وانا باقي لي اغراض مابعد جهزتها (( أخوي ضابط مو بمنطقتنا))


قلت أن ديما ...... وماادري وش اللي صار لي

وعلمته بالقصه كااااااامله من الألف لسلام عليكم


وهو ســـــــــــــاكت ولا تكلم ولا كلمة


وأنا مسترسله بالكلام

قاطعني..
قال افراحوووووه ترا أن كان قصدك من هالخرابيط أنك بتشوفين رده فعلي وأنك بتقولين صااادوه ياااااااااااويلك

قلت وش صادوه وش هالخرابيط انا جاااده والله إني جااده أكلمك صدق

قال صدق صدق احلفي
حلفت له

حسيت انه مو في وضعه الطبيعي
قلت له خلااااص خلااااص ماابغا اكمل شكلك تعبان

صرخ بوجهي وقال كملي بسرعه وعيدي

علمته اني نصحتها مليون مره واني زاعلتها وتركتها
وبديت اقص عليه من الاول واعيد وقلت له ان ريما تعرفت عليه من النت على واحد اسمه بندر وطلع بندر ال.. وانها كلمته و و..


أخوي ماادري أنجن او صاب عقله شيء . ماغير يلعن النت والكمبيوتر والجوالات واللي صنعوهم واللي وردوهم واللي استخدموهم

والله يلعن بندر الملعون والله اني من شفته مع اخوي حسام وانا كاارهه هالوسخ اصلا ماخرب اخوي حسام إلا هو وشلته التعبااااانه وبعد يلعب على البنات الخكري
وصلت الدناءه انه يعب على بنت عمي مااسكت له وربي مااخليه في حاله

انا ماني ولد ابوي أن ماخليته يعرف من هم الـ....

آآآه من يقتله ويطعن صدره بخنجر يخليه يعرف ربه
انهبلت انا وش تقوول؟؟ تقتله انت مجنون ؟؟
انت صاحي؟؟
ليتني ماعلمتك السالفه الله ياخذني قبل مااقولها لك

قال اجل الكلب بيهددها بهالرسايل عشان تطلع معه الله يلعنه ويلعن ابو ابوه
إلا افراح احلفي انها ماقد طلعت معه

قلت والله انها ماقد طلعت معه
قال ماتدرين يمكن طلعت وماعلمتك

قلت هي ماتخبي علي

قال ايييييه مدامها تركتك عشانه تبينها تعلمك ؟؟!!!

والله اني حاس ان علاقتكم مو زي أول
تذكرين يوم اسألك ليش مايروحون معانا لمكه برمضان زي العاده
قلتي احسن مانبيهم خلينا ناخذ راحتنا
وقلت لك غريبه متزاعلين
وقلتي لا لا
والله اني حاس ان فيكم شيء اصلا انتي ماتسافرين معنا دايم معهم وفجأه ماتبينهم!!

بس والله يحق لك ماتبينهم هالوسخه ياحسافة التربيه عليها

صرخت في وجهه بلا شعور عبدالرحمن احترم نفسك
المسكينه لعب عليها


قال تستاااهل اللي خانت ابوها واهلها وثقتهم فيها عشان واحد غريب وماتعرفه تستاهل اللي جاها

صرخت بوجهه مره ثانية لا لا الله يخليك لا تقول كذا ارجوك ارجوووك
وبكيت قدامه

افراااح تبكين عشانها انا كل اللي قلته صدق

قلت عبدالرحمن لا تخليني اندم اني قلت لك


قال وش تبيني اسوي وش تبيني اقول اصفق لها واقووول برافوااا عليها بنت عمي اللي تغازل ولد ال.... وتحبه وتموووت فيه واخر شي لعب بعقلها وقال بتزوجك وبتصيرين زوجتي ويوم تعرف على بنت جديده تركها وفضحها

قلت خلاااااااااااص خلااااااااص ليتني ماعلمتك ليتني ماقلت لك وليتني ماستنجدت فيك
ولا طلبت عونك
وبكيييييييت وبكييييييييييت وهو ســـــــــــاكت



وقف قدامي




وقال افرااح لا تحسبين ديما رخصيه عندي ترا مااعدها إلا اختي
هي بنت خالتي وبنت عمي يعني من لحمي ودمي
وانا ماقلت لك هالكلام إلا من حر مافي قلبي ومن القهر والغيظ

افراااح ان كنتي تغليني وتحبيني لا تبكين عشانها وانسيها
وابعدي عنها خلااااص لا تخلينها صديقتك
هاذي مو فخر لك انك تصادقينها

ناظرته وانا ساااااااكته وفي قلبي إني اقول اطلع برااااا من الغرفه
ماابيك ولا ابغا مساعدتك رح عني بس وفكني من نصايحك


قال مع السلامه افراح

ومشى باتجاه الباب رجع وناظرني


قال: تعرفين رقمه؟؟!!

قلت رقم مين؟

قال الزفت بندر

قلت لا يمكن رقم بيتهم بالدليل حقنا
قال قومي جيبيه

دورته ومالقيته اتصلت على ديما

وقلت ابغا رقم بندر


قالت: ليييييييه؟

قلت عطيني واعلمك بعدين
عطتني جواله وعطيته عبدالرحمن



كان اخوي يدق علي يومياً

ويسألني وش صااار

واعلمه انه دق عليهم من كبينه اليوم
وانه ارسل من النت
بنتكم بكره بتقابل خويها في الطلعه بنتكم . بنتكم....


مر الاسبوووع بسرعه وجاء الاربعاء وجاء عبدالرحمن من السفر كلمني على جنب
وقال : خذي جوالي وعطيني جوالك
استغربت مررره
وبعد صلاة العشاء

قال افراااح بدلي الشرايح


قلت كيف

قال خلي شريحتي بجهازك وشريحتك بجهازي

قلت ليش
قال جهازي مايرسل عربي وانا ابي ارسل عربي

ضحك انا وقلت من بترسل له بالعربي وانا اغمز له اقصد زوجته

قال لا لا برسل لزفت بندر وانا ادق عليه من جوالي مايرد وابغا ارسل له
و زوجتي ماابغا اخذ جهازها لانها تحتاجه كثير


بدلنا الشرايح وعطيته جهازي لمده اسبوع وشوي


اتصلت علي ديما
وقالت ابشرك ياافراااح امس واليوم ماجانا شيء

ضحكت وقلت اكيييييد مثل قبل اسبوعين سكت فجأه وبعدين جاء بقنبله

قالت الله يستر لا تخوفيني

جاء الاربعاء وجاء عبدالرحمن قال وش صاار.؟.
قلت له اسبوع ماجهم شيء
ضحك هو

قلت وش فيك لا تكون ذبحته

ضحك بقوووة وقال ان شاء الله بس قريبا
بعد كم سنه إليــــــن ماينسى الموضوع ويحسب انا مثله نسيت هذاك الوقت اذكره
وش معنى اللي سواه في بنت عمي
قلت له طيب اللحين هو غريبه معاد يرسل

قال الله اعلم عطيني جوالي

عطيته الجوال وكلمت ديما واعلمها حاولنا نفكر وش سوا وش صار وش ووو؟؟

(( حنا مثلكم ماندري وش صاااار))




بعد فترة كنت برسل رساله لاختي رساله ماادري هي وصلت او لا

رحت اشوف الرسائل المرسله
واشوف كم رساله لرقم غريب

قريتهم واندهشت
وعرفت ان عبدالرحمن كان يرسل بندر هالرسائل وماحذفهم لانه مايدري ان بجوالي (خدمه الرسائل المرسله))

أول رساله كانت
ليـــــــــه ماترد

الثانيه
~~~ أن لي عندك حقـــــــا لن أنساااااااه~~~~


[/size]

الشاعر يحي

avatar
مشرف النثر والخواطر
مشرف النثر والخواطر
يعطيك الف عافيه
معاك

دمت بود


_________________

آحاسيس صامته

avatar
عضو جديد
له له هذا يطلع من بندر معقوله <.صدقت البنت


تابــع

زهور العشق

avatar
مشرفة منتدى مساهمات ومشاركات الأعضاء
مشرفة منتدى مساهمات ومشاركات الأعضاء
قصة في غاية الروعة
الله يعافيك يسلموو


_________________

أحــــبــــــــ ابـــو سعــــــود 05ـــــــك


أنـا أحبك و حبك غيـر كيانـي واحـلوت وزانت أيامـي معـاك

أقولها بكل ما تحمـل من معانـي أحبك وأعشقك وأموت في هـواك

[أحبك حتى لو من حبك أعانـي حتى لـو تجافيني بتحمل جفـاك

أحبك قالـها قلبي قبـل لسانـي أحبك و كـل يوم يزيـد غـلاك



[img][/img]

ملكنا وحبيبنا ووالدنا وقائدنا

سيدي خادم الحرمين الشريفيين الملك عبدالله بن عبد العزيز ال سعود

ملك الانسانية ومحبوب الشعب
الحمدلله على السلامه يالغالي
واقول..
وحفظك الله للبلد ولسكان البلد

يا ملك الانسانيه وملك القلوب

ملك الغابة

avatar
مشرف منتدى الترحيب والتبريكات

أسعدني تواجدكم الرائع ياحلى اعضاء واحلى منتدى
لكم مني ارق تحيه

نسمــه صبــاح

avatar
فنان تشكيلي
يسلمووو ع الموضوع
موضوع قمة في الروعه
وقصه حقا رااائعه
ودي ووردي لسموك

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى