منتديات الفن التشكيلي
أهلا وسهلا بك زائرنا اكريم ونأمل انضمامكم لنا ومشاركتنا
منتديات الفن التشكيلي

منتدى يهتم بالفن التشكيلي واللوحات السريالية


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

استاذه آحاسيس صامته ابقي معي الحلقه السادسه عشر فيها اكثر و كثر

استعرض الموضوع السابق استعرض الموضوع التالي اذهب الى الأسفل  رسالة [صفحة 1 من اصل 1]

ملك الغابة

avatar
مشرف منتدى الترحيب والتبريكات
.•´¯`•.•• (الحلقة الســـــادســة عشر) ••.•´¯`•



انا مثل ( التنكه)من جد مافهمت ايش تقصد بكلمتها؟؟



سالتها فهميني وشلون يعني


عصبت شوي

قالت: وش بتعطيني اذا فكيتك منه؟؟




عرفت انها تبغا فلوس
عاد هي من ربع اشحن سوا نطلع سوا




قالت ابغا300 ريال باشتري بطاقه سوا بدون اسم لان بطاقتي جايبها لي خويي ومابغاه يشوف الخط انتظار او مشغول ثم يزعل علي


ابغا وحده جديده لبندر حقك عشان اتفضى له..


قلت طيب باحاول اجيب لك ال300

رحت للبيت وافكر كيف اجيبها؟؟

لو اقول لامي 100 بتعطيني لكن 300 كبيره شوي بتسالني ليه؟؟

يالله وش اسوي؟؟



علمت رغد ومشاء الله عليها في ثانيه طلعت لي فكره === ماقلت لكم ام الافكار هي



قالت : قولي لامي انك في ثالث ثانوي ودروسكم صعبه وبيعطونكم كل حصه سادسه تقويه اللي يبغا يتقوى في أي ماده صعبه عليه
وبقيمة300 ريال طول السنة


واروح طيررررررررران لمامي واقولها ويدها على البوك وتعطيني300 وتقولي كم نصيحه للدراسه والجد والمذاكره
واحب راسها واشكرها



وادق على ( مي ) واقولها ترا ال300 جاهزه
ويجي من بكره واعطيها الفلوس



وقالت لي ان أخلي علاقتي معه على احسن مايرام ومثل اول ولا اتغير ابد
عشان مايحس بأي شئ وتخرب الخطه



واكلم بندر

والوضع تمااااااااااااااااام


وكل ماسالت( مي ) وش الخطه تقول بعدين بعدين الى الان ماسويت شئ
الى الان ماشريت البطاقه
سواقنا مشغول مره
ومافيه الا هو يوديني اجيبها



تصرفني


بعد شهرين..



قالت لي ابشرك ان بندر بدا يعطيني وجه بعد عمليات صعبه جدا

قلت وشلون؟؟؟

تكفين فهميني وش سويتي معه وش قالك ؟؟
وش صار بينكم؟؟



قالت: لي فتره معه وماعلمتك بشئ لاني احلف له انك ماتدرين عن شئ
وعشان اكون صادقه انك جد ماتدرين عن شئ

وحتى لو قلت لك باللي صار
راح يوضح عليك من مكالمتك له وسواليفك ثم مانستفيد شئ ويروح تعببنا خساره
عشان كذا كتمت على السالفه



قلت لها والله انك خطيره جدا
وش هالتفكير عليك
بسم الله علي منك


والح عليها تعلمني
وش صار بينهم وبالتفصيل
يعني من الألف الى الياء
..
..
..
..
..
..





قالت: دقيت عليه دقه انتظره يدق ومسوي نفسه عقل وثقل ومادق
وادق واسكره سويت ازعاج
بعدها دق وسلمت عليه


وطبعا يعرف صوتي
وخبرته اني ( مي) صديقة ( ريم) وضحك


قال تراي ادري انها ديما
وانتي وش اسمك غير( مي)


قلت لاهذا اسمي ماعندي اسم ثاني

الموووووووووهم:::::: قال وش عندك؟ عسا ماشر

قلت له ودي اتعرف عليك

قال: لاوالله ضحكيتني
ترا ادري ان الي مرسلتك ديما وتبغا تختبرني وتشوفني اعطي وجه للبنات او لا؟


خبريها اني مو راعي هالحركات السخفيه
وان حبيبتي هي ديما بس ولايمكن اكلم غيرها



قلت له مسكين والله
على نياتك انت..


انهبل هومن كلمتي.. وهزئني بكم كلمه
وسكر السماعه بوجهي..



بعد يومين ارسلت له رساله

وخليتها غامضه شوي.. كتبت له


من عرفتك وانت معجبني ولكن للاسف انت مع وحده مو لمك ولا تبيك
واللي تبيك هي انا...



دق علي مباشره
وقال انتي وش تبغين مني؟؟؟


قلت له بندر
عطني وجه وشف وش عندي بس


قال تكلمي بسرعه

قلت له انت تحسب ان ديما تدري عن مكالمتنا هاذي؟؟
وانها تختبرك؟؟


وهي والله العظيم ماتختبرك ولاتدري عن شئ
واقسم بالله الكريم انها ماتدري اني الان اكلمك


بندر ارجوك افهمني

انا ابغا اتعرف عليك
اتمنى تفهمني لو لحظه

انا من كلمتك يوم سالفة ديما وانت داخل مزاجي مره
وكنت اتمناااااااااااك وابغاك من كل قلبي


وكل ماسمعت ديما تتكلم عنك انقهر واذا تطنزت عليك ازود قهر
ودي من زمان فيك بس مابغا اكون نذله مع صديقتي واخذك منها

ورب البيت اني لما عرفت ان ديما ماتبغااااااااااااك مره ومخليتك بس للفراغ يعني اذا فضت كلمتك وإذا انشغلت مع خويها الثاني سحبت عليك ولا كلمتك

دقيت عليك

لان من كل قلبي اقولها واعلن لك انت معجبني للمره المليون...





قال : وش اللي تتطنز علي؟؟؟
وش خويها الثاني ؟؟
انتي وش تقولين؟؟؟

انتي ناويه تفرقين بيني وبينها
الله ياخذك قولي امين
ظفي وجهك ولا عمرك تتصلين علي
و اقسم بالله لو دقيتي لاخليك تندمين وبيصير لك شئ تلومين نفسك عليه


ويسكرها بوجهي


بعدها ب3 ساعات ارسلت له::

:
:
انا استاهل اللي جرى لي
ماتوقعتك كذا
لكن الايام جايه وانت اللي بتلوم نفسك

:
:


بعد 5 ايام اتصل علي
ومارديت عليه
حوالي 6 اتصالات ولارديت
وارسل لي لوسمحتي ردي
ابغاك ضروري


طنشته يومين

ثم ارسل رساله ( مي انا اسف ان كنت قلت لك كلام زعلك
لكن والله الكلام اللي قلتيه اوجع راسي وخلاني بوضع مادري وش اقول )



ارسلت له
طيب وش تبغا اللحين مني؟؟


قال ابغى اكلمك واسولف معك واشوف وش عندك؟

قلت وانا مو فاضيه لك رح كلم ديما

قال انا ابغا اكلمك بخصوص ديما

ودق بعدها ورديت عليه


وتعذر مني وتاسف على المكالمة اللي فاتت
وشوي يحب راسي

وسالني وش قصدك بكلمتك ان ديما تتطنز علي؟؟


قلت له امممم خلاص ولاشئ غلطت انا
خبطت في الكلام


قال إلا بتقولين لي وووووش قصدك ألح علي مره مره


قلت له: صعبه والله ما أقدر لاتحرجني

ويلح مره

قلت: زميلتي ولا اقدر انقل كلامها لك وانم عندك
وبعدين اخاف تزعل عليها او تنجرح مشاعرك


قال: اقولك تقوليييييييين

انا بالنسبه لي عادي لانجرح ولاشئ
وبالنسبه لها هي مو داريه انك قلتي لي شئ
انا والله ماراح اعلمها ابد حتى مكالمتنا هاذي ماراح يدري عنها احد ابد
وانا عند وعدي وبتشوفين من هو بندر اللي اذا وعد ماخلف....


قال:: تكفين قولي
ان كان عندك لي خاطر
والح مره مره مره



وخبرته عاد

قلت لها ايييييييييييييييييييييه وش قلتي له كيف اتطنز؟؟

قلت انها تتطنز على انك خبل وودك تتزوج وحده تكلمك قبل العرس؟؟

سكت مادر


قلت وبعد لما شافت اهلك بالعرس تطنزت عليهم مرررررررره


قال:

7
7
7
7

يتبـــــــــع

ملك الغابة

avatar
مشرف منتدى الترحيب والتبريكات
].•´¯`•.•• (الحلقة الســـــابعـــــة عشـــر) ••.•´¯`•



قال: لاتكذبين عاد هي تقول انها ماعرفت اهلي بالعرس..


قلت هي قالت لك كذا لان ماودها تسب اهلك عندك

ولا في التليفون اتذكر اتصلت علي وقالت لي انها شافت اخواتك وانهم شينين وقروين وووووووو



انهبل هو مره مره

وصدق كلاااااااااامي
حتى تخيلي مايقولي احلفي

تدرين ليش؟؟؟


لان اسلوبي كاني صااااااادقه ولا اقوله شئ الا لما يلح علي مره

وهي بتكمل السالفه خلصت الفسحه ودخلنا الفصل وانقطعت السالفه




ومن بدت الاستاذه تشرح وانا

ضااااااااااااااايق صدري

وافكر في هالسالفة
كرهت نفسي ماودي بندرياخذ هالفكره عني
ماودي يكرهني
ويحسب اني اكذب عليه واقول هالكلام من وراه

صح اني ابغاه يبعد عني ويتركني

لكن موبهالطريقه

يالله ليتني ماوفقت
ماتوقعتها بتسويلي كذا

انقهرت مره منها ومن خطتها السخيفه لو داريه عن كذا كان ماوفقت عليها
متوقعه انها بتعرض صداقتها عليه وبتكلمه دايم وانا بانشغل عنه واقلل مكالماتي وتقوله باطلع معاك وهكذا

ألين يحس انها احسن مني ويتركني


يالله وش اسوي اللحين؟؟


احس اني طحت من عينه


ورخصت في قلبه



مشت الحصص بسرعه وبالطلعه كملت السالفه

قالت : انه سالني وش خوي ديما اللي اذا انشغلت معاه ماتكلمني؟؟

قلت: هاه مادري
وسويت نفسي تلعثمت وانحرجت



قال ترا اتذكر كلمتك يوم تقولينها لي

علميني بس وش قصدك........!!

من هو خويها الثاني



قلت : مادري ..

خلاص بندر ارجوك
وش ذا المكالمه كلها تحقيق!!!



قال: ايه تحقيق...
ماتدرين ان بالي كل الايام اللي فاتت منشغل بكلامك

ماتدرين وش صار فيني


تكفين يا ( مي) ريحيني الله يريحك..


وعلميني عن ديما وبالتفصيل

انا مخدوع فيها ؟



قلت له يالله مع السلامه بعدين بكلمك ...

اهلي ينادوني

وانا اصلا اصرفه

مادري وش اقوله

سكرتها منه ولي يومين مادقيت عليه وارسلت له امس بالليل رساله

بندر ماودي اخرب بينكم او انك تحقد على ديما بسببي

ودق بعدها ومارديت الى الان.



قلت لها طيب وش ناويه علي؟؟؟

قلت بازود في البهارات شوي وباحط كم كذبه واشبكهن سوا
واخليه يصدق
ويكرهك
واقدم له كل مشاعر الحب الصادق وبذالك ينسى ديما




قالت لي هاه وش رايك بالخطه؟؟

قلت مادري سوي اللي تبغين اهم شئ افتك منه.

سألتني كيف وضعي الان معاه؟؟

قلت ماشي وكل شئ تمام وعلى ماكنا عليه ماحس ابدا انه متغير او مو مثل اول

وحتى في كل نهاية مكالمه يقولي.. ديما قولي احبك..


واقوله



قالت: تمااااااااام
يمكن انه الى الان ماصدق كلامي مره وده يتاكد اكثر

شوفي حاولي انك تقفلين جوالك بين فتره وفتره وفي الليل بالذات.. واذا سألك قولي عشان الامتحانات الشهريه لاهيه اذاكر واذا شغلته اقرا رسايلك وافكر فيك ولا اعرف اذاكر فاحسن شئ اقفله.. اوكي؟


قلت: بس هو يدري ان امتحاناتي الشهريه خلصت

قولي: أي شئ اذاكر نايمه مافيه شحن وقفل أي كذبه قوليها اوكي؟



قلت: اوكي بس ليه؟؟

قالت : طريقه من الطرق الناجحه في هالعمليه بعدين بتعرفين ليه
قلت: طيب




"
"
"

جاء بكره ...
بالحصه الاولى
و
(مي) تعلمني وش صار عليها مع( بندر) امس..

تقول انه سألني : وش سالفة خوي ( ديما) اللي اذا انشغلت معاه ماكلمت بندر...؟؟


قلت : ان اسمه احمد من جده وانه مهندس كمبيوتر

تعرفت عليه من الشات ويحبون بعض

وجميل وشيك يشغل الكاميرا حقت كمبيوتره وتشوفه وقد جابت صورته لنا بالمدرسه وشفناه بعد
وتكلمه بالتليفون


قال: تكلمه بالتليفون...؟؟ صادقه انتي؟؟؟

قلت: ايه

قال: جوال او تليفون ثابت؟؟؟

قلت: لا جوال
صح ما قلت لك هي عطتني 300 ريال وقالت لي جيبي لي بطاقى سوا بدون اسم
عشان اخذ راحتي معاه ولا يصير خط جوالي مشغول او انتظار ويشك بندر فيني
..................شوفوا كيف قلبتها علي وخلتني قدامه كذا

قال: احلفي بالله انها عطتك فلوس عشان تشترين بطاقة؟؟

قلت: اقسم لك بالله العظيم انها معطتني 300 ريال وشريت بها بطاقة سوا بدون اسم

وشفيك مو مصدقني؟؟؟


وش حاجتي انصب عليك؟؟؟

اذا بتكذبني لا تسال ولاتتصل علي بالمرة


قال: لاااااا حشا والله مصدقك
بس ماتوقعت ديما كذا

انا متفاجئ
انا منصدم
لاتلوميني يا( مي)
ديما أفجعتني

ماتوقعتها بها الوقاحه

انا المسكين تلعب علي وانا مصدقها..!!!!!

الله ياخذ الساعه اللي عرفتها فيها


بنت وبزر وتلعب علي؟؟

تخدعني تخوني؟؟

وانا مصدقها واحسبها مثلي جاده ولاهي لم شئ

كل هاذا يطلع منها؟؟؟

حسبي الله عليها

انا الغبي..
انا الخبل
كيف ماجاء في بالي ابد انها بتكذب علي
وبتسوي كذا فيني وتخوني
كانت تقولي احبك واموت فيك واحسبها صادقه
تحلف لي انها تحبني وتموت فيني
وانا ياغافلين لكم الله
ماكنت اعتقد ان الولد تلعب عليه بنت
اثرني مسكين وضعيف

بنت تخدعني!!!
شخصيه مزيفه

كنت باني امال واحلام
كنت والله العظيم اني ناوي اخلي اهلي يخطبونها لي

كنت ابغا اتزوجها لاني احبها واموت فيها
وماراح احب احد غيرها
في حياتي كلها ماعرفت الحب الا معاها

عشت احلى واجمل ايامي
في كل يوم اقول مابقى الا شوي وتخلص ديما من ثالث واتخرج انا واخطبها ونعيش سوا

ماتتخيلين فرحتي يوم دريت انها تقرب لنا ولو من بعيد

اقول بنفسي هي مكتوبه لي
مابقى الا هالسنه واعيش معاها...

ليييييييييييييييه تخدعني

ليه تكذب علي




لييييييييييييييييييه؟؟؟


حرام عليها

انا وش سويت لها




.....صرخت بوجه( مي)
حرااااااااااااااااااااااااااااااااااااااااااااااااااام عليك

يا ( مي)

ليه تكذبين علي؟؟
ليه تحلفين له؟؟

ليه تكرهينه فيني
ليه تقولين شئ موفيني؟؟؟


ليه تفجعين قلبي وقلبه...؟؟
انا قلت لك ابغا افتك منه
ماقلت تذبحيني وتذبحينه

وش اللي سويتيه فينا؟؟؟


ماقدرت اكمل كلامي وبكيت عندها..



حطيت راسي على الطاوله وجلست ابكي حصتين والبنات يحاولون يعرفون وش فيني وماعلمت احد


ودي اجيب سكينه واذبح ( مي) وافتك منها

الكذابه
الخداعه
ام وجهين...



انا قلت لها صادقيه وخاويه وخليه ينساني ويبعد عني

مو تروح تكرهه فيني وتقول له شئ مو فيني ولا سويته

وبعد تحلف وتقسم

ليه تحطني بالصوره الشينه ذي؟؟؟؟


ياعمري يابندر
ياحياتي

وش صار فيه الحين؟؟؟

جلست اتخيل لو



7

7


7


يتبـــــــــــــع

ملك الغابة

avatar
مشرف منتدى الترحيب والتبريكات
].•´¯`•.•• (الحلقة الثـــــــــــامنـــــة عشـــر) ••.•´¯`•



جلست اتخيل لو كان موقفي مثله وانصدمت في اللي احبه انه كذااااااااااب وخداع بعد

ياصعبها علي...



رفعت راسي وقلت لها



طيب وش صار عليه الحين تكلمينه؟؟

قالت: انتم جد تحبون بعض؟؟

قلت: ايه اجل ايش؟

قالت: اللهم لك الحمد بلا حب بلا خرابيط
اصلا مافيه حب هالوقت
قيس وليلي وعنتر وعبله مااااااتوا والحب اندفن معاهم



قلت:وش احمد ذا اللي تقولين عليه؟؟ انا عمري في حياتي عرفت احد اسمه احمد؟؟

قالت: ايه ذاك اللي قد قلتي لنا من زمان عنه اول ماشريتي كمبيوترك و(أفراح) بنت عمتك تعرفه وعرفته عليك واي شئ ماتعرفينه تسألينه عنه

قلت: يـــــــــــــــــالله ياقدمك
مابيني وبينه علاقه ولا حب ولا قد شفته ولا اعرف شكله ولا عمري في حياتي كلمته
حتى بالماسنجر يمكن 3 او 4 مرات والكمبيوتر له عندي فوق السنه



قالت: يوووووووه منك الموهم ان فيه احد تعرفينه من النت اسمه احمد والبهارات انا مستئذنه منك فيها صح او لا؟

قلت: انتي خليتي فيها بهارات

انتي احرقتيها خربتيها,,,
حرام عليك يا( مي) احنا ماتفقنا على كذا
انا قلت صادقيه وخاويه بس عشان يسولف معاكي ويلهى عني وينساني
ماقلت لك قولي كذا وكرهيه فيني وخليني بهالبشاعه


قالت : خلاااااااااص

لاتقلقيني انتي وياه

اللي علي سويته وبالطقاق فيكم

على بالكم تحبون..



قلت لها طيب وش صار عليه كلمك بعدها؟؟

قالت: بعد كلامه شكله مره منقهر
واسئذن مني وسكرها

ترا هالكلام امس

عاد مادري وش بيصير عليه اليوم....



جيت للبيت وانا تعبانه
وكل مافيني تعبان
ودي اصرخ باعلى صوت واقول ياااااااااااااارب تفكني من هالمشاكل اللي فوق راسي


مو قادره افكر ولا اركز

حتى الامتحانات النهائيه باقي عليها اسبوعين وانا مابديت اراجع ولا فتحت ولا كتاب ومالي نفس ابد بالمذاكره والمشكلة اني بثالث ويبغالي نسبه قويه عشان الجامعه


ودي بحل اعلم فيه بندر ان ( مي) تكذب
اعلمه واصارحه واقوله اني انا طلبت منها تكلمك بس ماتوقعتها بتسوي بينا كذا؟؟

لا لالا صعبه هاذي


يالله وش اسوي معاه..


رحت اشوف جوالي لقيت 3 اتصالات منه

استغربت انه متصل علي... بعد ماسمع هالكلام

وانا ماسكه الجوال دق

ولا قدرت ارد عليه

حلقي يوجعني وماقدرت ارد..

شوي وتجيني رساله منه

كاتب فيها


(ديما مشتاق لصوتك ياحبيبة قلبي)



قريتها مليون مره

يالله بعدكل هذا اللي سمعه عني ويقول مشتاق وياحبيبة قلبي ؟؟؟!!!!

حطيت الجوال على قلبي وبكيت


وفجاه دخلت علي رغد

انا ناسيه اقفل الباب


اشوى انها رغد مو ماما...



علمتها بالسالفه

وعادي ماهمها ابد

تقولي ياشيخه فكه منه من زينه عاد مصدقه انه يحبك
طردتها من غرفتي...

مافيه احد يفهمني
او يفهم وضعي

انا مابغى اكون عنده بهالصوره
ليه كذبت علي قدامه؟؟؟

انا صح ابغا ابعد وافتك منه بس مو بهالطريقه

وانا افكر دق مره ثانيه...




وارد عليه
واسلم وهو عادي جدا وماكان فيه شئ
يسولف مثل اول وماتغير ابد
ويضحك ويمزح معاي


ويسالني تحبيني؟؟


واقول ايه

ويقولي طيب قولي احبك واقول له


سكرتها منه وانا افكر غريبه ماتغير؟؟
لاتكون( مي) مسويه فيني مقلب بعد وبتشوف ردة فعلي؟(((----
شكل نهاية القصه مقلب ههههههه..



بندر مثل ماهو ماتغير ابد علي

يكلمني يوميا وسواليف

واذا رحت للمدرسه تقولي( مي) انه يكلمها

لما دققنا بالوقت صار يدق علي وبعد مانخلص مكالمه يكلمها..


الاختبارت النهائيه قربت..


مابقى الا4 ايام


طبعا اذاكر واحفظ وادرس
ونسيت سالفة بندر لانه ماتغير علي ابد

وشكل( مي) كاذبة علي انا او بتسوي لي مقلب

لان بندر مثل ماهو..


..............اليوم الخميس 1421هـ .............



اتصل ( بندر) الساعه 5 العصر قالي شخبار المذاكرة..

قلت تمام
خلصت امس واليوم باديه ارجع...


قال: طيب باسكرها عشان ماعطلك بس قولي احبك؟؟

قلت: أحبك موت
وانت يابندر حبيبي وعمري وقلبي


قال: اكيد

قلت: ايه اكيد..وانت تحبني؟؟

قال: لا
اناماحبك ابدا
ولايمكن احب وحده حيوانه مثل شكلك





7
7
7
7



يتبــــــع

ملك الغابة

avatar
مشرف منتدى الترحيب والتبريكات
].•´¯`•.•• (الحلقة التــــــــاسعــــة عشـــر) ••.•´¯`•



انا انصدمت من كلامه

مصدقه اني احبك؟؟؟
انا اتسلى فيك وانتظر متى تجي امتحانتك النهائيه عشان اوريك المفاجأة الحلوه اللي مسويها لك
ياحبيبة احمد الحجازي ههههههههه

يالله ياديما ال.........
انتظري وش المفاجاه في اول يوم من امتحاناتك

باااااااااااي واجتهدي زين ياحيوانتي..



انا: ســـــــــــــــــــــــــــاكــــــــــــــــــــــــتــــــــه



وسكر السماعه بوجهي.....




رميت الجوال


واروح اغسل وجهي بالمويه والصابون
مادري انا بحلم ولا بعلم
مادري ويني فيه مادري وش صار علي....


ماتعودت احد يهزئني ويقولي ياحيوانه؟؟؟



هذا بندر يقولي كذا؟؟

انفجعت فيه؟؟ وباسلوبه وبكلامه وبأهانته

رميت نفسي على سريري

ودي ابكي لكن ماقدر
فيني حالة ذهول عجيبه

ابغا انفس عن قلبي وابكي وأصيح

ماقدر بس ساكته
وفي اذني تردد كلمته انتظري المفاجاه في اول يوم امتحانات
وكلمته يا حيوانتي...


غفت عيني وماصحيت الا اذان العشاء
واقوم والجوال بجنبي
وارجعه مكانه واروح لرغد واخبرها
..


وهي بكل برود تقول طبيعي بيقول لك كذا و( مي) قايله عنك هالكلام وانك خنتيه عاااااادي جدا

حتى هالكلمة قليله..

بس وش قصده بالمفاجأه الله واعلم.



راح الخميس وانا ماراجعت شئ كل مافتحت الكتاب تذكرت كلمته وافكر فيها


في يوم الجمعه

كنت قايمه من الساعه10 اراجع دروسي

وبعد صلاة الظهررجع ابوي واخواني من المسجد

واشوف بيد ابوي ظرف كانه بطاقة دعوه لزواج
فتحها ابوي وقام يقراه
وشكلها رساله


قلت له هاه يبه من بطاقته
مشاء الله مامدى العطله تجي عشان يعزمون


ابوي ساكت ولا كلمه




قراها ونادى امي وراحوا لغرفتهم...


قلبي يقول في هالورقه شئ

ابوي وجهه مو طبيعي لما قراها...


وافكر وش فيها هالورقه
الله يستر...


جاء في بالي انها تكون المفاجاه اللي قالها ( بندر)

بس وش بيكتب وش بيقول؟؟؟


نزلت امي وحضرت الغداء
وامي فيها شئ

مادري صدق فيهم شئ او انا موسوسه ولانه خايفه من المفاجاه صرت اشك بكل تصرف...




تغدينا سوا
واحنا بالغدا جاء لجوال ابوي رساله
طبعا ماندري وش فيها..

ابوي استغرب رساله بدون رقم
عطاها اخوي وقراها بصوت عالي




**********


( وصلتك الرساله ياأبوناصر)؟؟

Resalh.com-المرسل

*********


قال اخوي: يبه هالرساله من الانترنت مو من جوال عشان كا مافيها رقم..

قال ابوي: اها زين..

انا عرفت وتاكدت وايقنت انها من بندر


لان بندر دايم يرسلي رسايل مصوره من هالموقع


ماقدرت اكمل الغدا



قلقااااااااااااااااااااااانه وخايفه مادري وش قصده بالرساله


لايكون الورقه اللي مع ابوي منه

وش كاتب فيها...؟

ياربيه؟؟



الله يستر



وانا ماقدرت اذاكر احس الدعوه فيها بلى

فيها شئ..


الحركه في بيتنا مو طبيعية

يارب تستر علي.. رقيت غرفتي اذاكر


المغرب دخل عل ابوي
ومعاه الورقه وقال اقريها


اخذت الورقه واقرا
واسكت
وكل كلمه اقراها اسكت بعدها

ماقدر اكمل



فضحني الله يفضحه

فجعني الله يفجعه



رجليني تنفض
وجسمي يرتعش

احس بالموت

والله باموت

ماقدرت اكمل


وابوي ساااااااكت


خلاص لساني تلعثم
ماعرفت اقرا


قلت لابوي.. وش هالرساله يبه؟؟

من اللي كاتبها


قال: مادري جيت من صلاة الجمعه ولقيتها عند الباب
ولاأدري من اللي مرسلها

وش رايك بالمكتوب؟؟


رميت على ابوي الورقه

وماقدرت اتكلم....

انطرمت مادري وش صار فيني
كلمه ماتكلمتها


طلع ابوي من الغرفه وقال انتبهي بس لاختباراتك
ترا هالورقه ماهمتني ابد

وهذا انسان تافه يبغا يشوه سمعتك ويشككني فيك ولو يصير ماصار

بنتي وانا ادرى الناس بها...



وسكر الباب وراح



واصيح دم مو دمع

فضحني الله يفضحه دنيا واخره

كتب كلام مو فيني ولا عمري سويته

لو قلت لكم هالكلام قطعت قلوبكم مثل ماتقطع قلبي المسكين..




دخلت ( رغد) وشافت حالتي حاله


قالت : ديما البيت تحت مختبص ابوي تجيه رسايل بجواله كلها سب فيك وفيني

الحقير.. بندروه..


كاتب اتق الله يابو ناصر في بناتك وراقبهم
ترا هم امانه في رقبتك...

ورساله ثانيه بناتك راعيت غزل وطلعات

ورسايل يحذفها ابوي قبل مايقراها علينا وكل من النت
عشان ماحد يعرف اسمه


قلت لها الله ياخذه ماكفته الورقه بعد رسايل

واعلمها السالفه ووش كاتب


قامت تدعي عليه من قلب

الساعه عشر ونصف واحنا مافتحنا كتبنا من المغرب

وتعبانين جسميا وعقليا وفكريا وقلبيا
رحنا ننام
وانا ماجاني نوم من الهم والغم والتفكير



مادري وش اسوي ابغا حل وطريقه

ادق على(مي) بس اخاف تورطني

لالا


حسيت اني محتاجه لـــ ( أفراح)
صح ان علاقتي فيها خفت ومو مثل اول من درت اني اكلم (بندروه) بالجوال


بس هي الوحيده اللي ارتاح لها وهي صديقتي وحبيبتي واقرب انسانه لي
هي اللي بتفرج لي واعرف قلبها كبير وبتوقف معاي حتى لو اني غلطت عليها في يوم وما سمعت كلامها...

نزلت تحت و
اخذت التليفون باتصل وترددت خفت انها تهزئني وماتعطيني وجه
خفت انها تقول احسن خليه ينفعك
ماقلت لك انهم ذئاب بشريه ومهما كان ومهما راح بيكون في يوم من الايام خاين؟؟؟


نزلت التليفون..


وقلت: باتصل بس و بالطقاق تهزئني لين تقول اااااامين
خلاص انا استاهل كل شئ..


وتمر امي وتشوفني عند التليفون
وتسالني وش اسوي ومن ادق عليه بهالوقت؟؟


قلت بادق على ( افراح) باخليها تجينا بكره لان الاحد امتحان انجليزي واحتاج لها تشرح لي..

قالت بسرعه وتوقف جنبي تنتظرني..

وانا في قلبي اقول يالله بدت امي تشك فيني...؟


رفعت التليفون وادق عليها وقلت بالطقاق تهزئني لين تقول اااااامين
خلاص انا استاهل كل شئ..

وترد علي اختها


قلت وين ( افراح)؟

قالت: بغرفتها فوق دقي على جوالها..


اخذت جوال امي وارسلت لها برساله.. طبعا تسكيته لامي

رحت لغرفتي وقفلت الباب وطلعت الجوال حق بندروه
وادق على جوال( افراح)
ولا ترد علي استغربت الرقم
ارسلت لها رساله وقلت انا ديما وهذا رقم الجوال اللي عطانيها بندر دقي علي ابغاك ضروري

وشوي وتدق

باكلمها ماقدرت


بكيييييييييييييييييت وانهرت وماقدرت اقول أي كلمه


هي تصارخ علي
تقولي خلاص بس ياديما قطعتي قلبي وش فيك ليه تبكين خايفه من الامتحان ماذاكرتي
فيكم شئ


وكل مابغيت انطق حرف اتذكر الورقه والكلام اللي كاتبه عني واتذكر وضع ابوي واخواني وامي وابكي

وحلفت ان ماسكت انها بتسكر السماعه
وتجينا


واعلمها عن سالفة الورقه واقولها وش كتب فيها
ماتوقعت ردة فعلها كذا


احتوتني ولا هزئتني ولاجرحتني حتى كلمة تستاهلين ماقالتها

هدتني مره


وقالت لايهمك هو ولا خرابيطه
تحسبين ابوك او اخوانك مصدقينه
عارفين انه كاب وماعنده سالفه
وانه حاقد عليكم
ويمكن يجي في بالهم انه وحده من صديقاتك حقدت عليك وسوت لك كذا

والله ثم والله ان ابوك ماراح يهتم واذكرك ياديما
اصلا لو كان صادق ماحط ورقه عند الباب
او ارسل من موقع انترنت

كان دق او ارسل من جوال باسمه

ان كان صادق وجاد
لاتهمتين فيه ولاتعطينه بال
هالتافه الحقير
اصلا هو ماحطها اليوم الا عشان يشغل بالك ولاتنتبهين لاختبارتك

اتركي تفكيرك وانتبهي بس لدراستك ولا عليك منه

الشاعر يحي

avatar
مشرف النثر والخواطر
مشرف النثر والخواطر
يعطيك الف عافيه
معاك

دمت بود


_________________

آحاسيس صامته

avatar
عضو جديد
تشوووويق عنجد انقطع اتصالي امس وماقدرت اكمل

وااااصل عزيزي

زهور العشق

avatar
مشرفة منتدى مساهمات ومشاركات الأعضاء
مشرفة منتدى مساهمات ومشاركات الأعضاء
قصة في غاية الروعة


_________________

أحــــبــــــــ ابـــو سعــــــود 05ـــــــك


أنـا أحبك و حبك غيـر كيانـي واحـلوت وزانت أيامـي معـاك

أقولها بكل ما تحمـل من معانـي أحبك وأعشقك وأموت في هـواك

[أحبك حتى لو من حبك أعانـي حتى لـو تجافيني بتحمل جفـاك

أحبك قالـها قلبي قبـل لسانـي أحبك و كـل يوم يزيـد غـلاك



[img][/img]

ملكنا وحبيبنا ووالدنا وقائدنا

سيدي خادم الحرمين الشريفيين الملك عبدالله بن عبد العزيز ال سعود

ملك الانسانية ومحبوب الشعب
الحمدلله على السلامه يالغالي
واقول..
وحفظك الله للبلد ولسكان البلد

يا ملك الانسانيه وملك القلوب

ملك الغابة

avatar
مشرف منتدى الترحيب والتبريكات

أسعدني تواجدك زهور I love you I love you I love you
لكم مني ارق تحيه

ملك الغابة

avatar
مشرف منتدى الترحيب والتبريكات
الشاعر يحي كتب:يعطيك الف عافيه
معاك

دمت بود

سعدني تواجدك يحي
لك مني ارق تحيه

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى