منتديات الفن التشكيلي
أهلا وسهلا بك زائرنا اكريم ونأمل انضمامكم لنا ومشاركتنا
منتديات الفن التشكيلي

منتدى يهتم بالفن التشكيلي واللوحات السريالية


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

استاذه آحاسيس صامته ابقي معي الحلقه التاسعه

استعرض الموضوع السابق استعرض الموضوع التالي اذهب الى الأسفل  رسالة [صفحة 1 من اصل 1]

ملك الغابة

avatar
مشرف منتدى الترحيب والتبريكات
.•´¯`•.•• (الحلقة التــــــــــاسعــــــة) ••.•´¯`•.


حذفتها بدون ماقراها.. كلامه مكرر ويحور ويدور بنفس الموضوع قلت اكيد مثل الاوليات مو لازم اقراها...
وارسلت له اني طيبه وبخير ومو زعلانه ولا مليت بس تليفونا انقطع وماسددوه الا امس
كذبت وانا ماحب الكذب كله من ( افراح) وبحثها


وخبرته اني الاربعاء بالليل بادخل وان شاء الله اشوفه



وطبعا هو ماصدق خبر
كان متواجد على الماسينجر من العصر على قولته...

كنت متفشله منه حيل بس شسوي عشان البحث واخاف من زعل ( افراح)


سلمت عليه وسلم علي وقام يقولي هالكلام الحلو والاشعار
و


وقال لي:: انه منقهر مني ...
لاني مليت منه
وانها مثل الطعنه اللي جرحت قلبه
وليه اتركه كل هالفتره وما سالت عنه
واني شغلت باله
و
و
و
و
و
و


انا سااااااااااكته وما أرد..

بس اقرا

قال: ريم انا احبك

هو قالها وانا اللي تهت وقريتها مليون مره

عشت حياتي ماقد احد قالها لي الا هو
ويقولها وانا قايله له اني مليت منه!!!!



وانا افكر واسرح عجزت افهمه..
هو يحبني ولا يتسلى


واناظر الشاشه وهو اللي يناديني ويقولي الو الو ريم انتي معاي؟؟؟

وبسرعه كتبت ايه ايه

قال: لا شكلك مو معاي ابد

ساعه اناديك وماتردين؟؟
عندك احد متصل ومشغلك عني؟


قلت : لا لا
بس انا سرحت شوي


قال: في ايش سرحتي؟
قلت: طبعا فيك
قال: ياعمري انتي..

سكت انا ومارديت عليه...

قال: ريـــــــــــــــــــم

قلت: نعم


قال:انا احبك واموت فيك
تكفين ياريم لاتتركيني
والله انا محتاجك ماتتخيلين وش كثر تعبت لما تركتيني الفتره اللي راحت
ذبحني التفكير والشوق والوله
حبك أسرني
وما اقدر استغني عنك...
انتي ملكتيني
ملكت قلبي وعقلي
ملكتي كل شئ فيني
انتي حياتي وروحي
انتي حبي
ريم ا ح ب ك مووووووووووووووت



+====+


خلااااااااااص وهو يقول هالكلام
وانا اللي اتذكر صوته واتذكر ضحكته
واذكر كيف كنت احبه
وشلون صرت كذا وتركته كل هالفتره؟؟

وهو يكتب ويرسل وانا مو مستوعبه وش يقول..


كتب لي ريم انتي قريتي الرساله الاخيره اللي ارسلتها لك؟

قلت: ايه


وانا بالاصل حذفتها وماقريتها..

قال: زعلتي من الكلام اللي فيها؟؟

انا طارت عيوني واستغربت وش الكلام؟؟؟ ياليتني ماحذفتها
وش اقوله اللحين وش ارد عليه؟؟ اقول ماقريتها,,,مالي داعي
يالله بس باقول


بصراحه زعلني شوي..

قال: ياعمري انا اااااااااااااسف بس والله كتبها من الحره اللي فيني ومن القهر
ومن نار الغيره اللي بصدري..

وسامحيني يالغاليه..


===== تورطت انا مادري وش اللي فيها وش الي اسامحه=======

قلت: له يعني كيف؟؟

قال: والله ان التفكير والشك فيك ماعمره جاني بس شسوي انا من القهر رحت افضفض لو لد خالتي ( محمد) وهو اللي قال لي اكيد انها تعرفت على غيرك ولقت اللي مهب عندك عشان كذا ملت منك وتلاقيها حظرتك

انا اااااااااسف ياقلبي انا اسف..


======= طبعا فهمت السالفه========= واقول بنفسي( محمد) ذا
كأنه( افراح) نفس التفكير وانا وياه ياغافلين لكم الله..


قلت له: اها,,,,,, مو اول مره تقول او تسوي شئ مايجرحني.. تعودت انا عليك

قال: ايش تقصدين؟؟

قلت: من بعد اتصالاتك على ( مي) وانا محذرتك خلااااااااااص مابعد هالفعله شئ
كل شئ عندي يهون...


قال: للحين بقلبك؟؟
ورب البيت وجعلني ماتوفق اني ما كلمتها الا عشان اتطمن عليك بس

قلت: انا مطمنتك ومرسله لك رساله اني باسافر صح ولا لأ؟؟

قال: صح مرسله لكن خفت عليك مره
متوقع بتسافرين يومين وترجعين مو عشرة ايام
والله خفت عليك,,


ريم قولي امين ان كنت ابغا اكلم ( مي) عشان شئ ثاني مو عشان اتطمن عليك
ان الله يتوفاني اللحين وماقوم من مكاني والا جعلني اليوم باكبر حادث وان الله يشل رجليني ويديني واكون مقعد......... تكفيييييييين ريم صدقيني




بلا شعور.. كتبت له لالالالالالالالالالا تدعي على نفسك
الله يخليك لاتدعي
خلاص والله مصدقتك بس ارجوك لاتدعي على نفسك..


قال: طيب من عيوني..
بس انا اللي ارجوك لا تبعدين عني لاتخليني


قلت : ان شاء الله بس لاتتصل على صديقتي وماراح ابعد ولا اخليك

قال: اللحين باحذف رقمها اشرايك بعد؟؟

قلت : ياحبني لك

قال: لألألألألأ لاتقولي ياحبني لك~~~~~~~قولي( احبك)~~~~~~

قلت: احبك
قال:عيديها
قلت: احبك

وقلت له كلاااااااااااااااااام ( مشفر) هاهاهاها


وهو يسولف لي عن اهله واخواته وووووووو
قال الا صح تذكرت بحث بنت عمتك ترا خلصته من زمان وبعد طبعته

*** اشوى انه هو اللي تذكره وقاله يعني جت منه مو مني***


وسالني كيف يسلم لي البحث؟؟


قلت له امممممم

اسال ( افراح) واخبرك..

قال: اشرايك اقابلك بمطعم او أي مكان مناسب لك واعطيك

قلت: ههههههههههه ياليت والله
قال: جد
قلت: اجل
قال
7
7
7
7
7
يتبع

ملك الغابة

avatar
مشرف منتدى الترحيب والتبريكات
.•´¯`•.•• (الحلقة العــــــــاشــرة) ••.•´¯`•.


قال: يالله انتي حددي المكان والوقت وبتشوفيني موجود

قلت:اممممممم
ارد لك بعدين..


قال: اوكي عيوني بس لاتتاخرين..
وسولفت انا وياه عن كل شئ صار لي في الفتره الماضيه وسالني عن اختبارتي والتقرير الشهري ودرجاتي و و و و


ورجعنا مثل اول واحلى ونسيت كل اللي صار وحتى هو نسى اني قد قلت له اني ماله منه ولاجاب هالسيرة لي ابد..


من بكره اتصلت على( أفراح) وشاورتها
وقامت تهوش علي وتقول اني مجنونه لو قابلته
قولي له يحطه باحد محلات الهدايا وباسمي وانا اجي واخذها



### آآآآآآخ قتلت فرحتي كانت امنيتي أشوفه وألتقي به لو من بعيد
المهم اعرف شكله وهيئته وطوله وجسمه###
يالله خيرها بغيرها..


ارسلت له ايميل وكتبت له عن راي( افراح)
ورد علي وحدد محل( الحفله)


وقال بكره تجي وتستلمه




وراحت تستلم البحث..

وقلت اذا اخذتيه تعالي عندنا ابغا اشوفه

قالت لي طيب..

البنت تاخرت
انتظرها
من المغرب وهي طالعه
والحين 9 وماجتنا..
الله يستر وش اللي اخرها؟

10وماجت
اتصلت عليها اتطمن..
اسالها وينك؟؟؟ تاخرتي!!

انا على أعصابي..
وهي بكل برود..
بالبيت ماقلت لك تعالي عندنا..


قالت: كنت باجيكم لكن شفت البحث 50 صفحه
ولازم اصوره واقراه عشان لو ناقشني الدكتور لافهم وش مكتوب
وبعد اشوف ان كان فيه اخطاء بالطباعه او الاملاء وبكره دوام ومحاضرتي بدري وصعبه اسهر...
يعني مشغوله مره..


قلت: متى طيب بتسلمينه؟

قالت: نهاية هالاسبوع ان شاء الله

قلت: طيب ودي اشوفه

قالت: لاتخافين عندي نسخه ..مصورته .. يعني ان شاء الله بتشوفينه

قلت: يالله اجل عن اذنك مع السلامه..

قالت: صح نسيت اقولك,, تراه حاط مع البحث علبه سوداء وعليها فيونكه حمراء وكرت إلى حبيبتي( ريم)

أنا

بدري
توك تقولين
وشفيها العلبه؟؟



قالت مادري هديه اكيد

قلت يوووه تكفين( افراح) تعالي لنا الحين او بكره
ابغا اشوف الهديه


قالت: ماعتقد والله مشغوله عندي مليون شغل واختباري النهائي الثلاثاء مو هذا الجاي اللي بعده
ومافتحت المنهج ابد وعندي ملازم ناقصه و مشغووووووله مره
تعالي انتي وخذيها..


قلت: عشان تحقق امي معاي الف تحقيق
تكففففففين


هي رااااافضه مره مره ..


قالت: خلاص بافتحها واعلمك

طبعا كان ودي انا افتحها
وخاصه انها اول هديه من بندورتي
بس( افراح) ونذالتها مو راضيه تجينا
لان حاجتها انتهت


قلت: يالله افتحيها

== وهي تفتحها// اتوقع وش تكون؟ عطر او ساعه او . او. . .==

قالت: واااااااااو

قلت: وش؟

قالت: شئ تحبينه!!

قلت: صورته

قالت: ههههههههه يع من زينه لو حاط صورته كان استفرغت اللي اكلته
[color=#FF6699]
قلت: عمى بعينك#ff6699]تسبينه ؟؟ ونسيته معروفه.. والمشكله البحث بيدك.. صدق من قال جزاء المعروف سبع كفوف..

قلت: ياشيخه طيري أي معروف
البحث معروف هههههههههههه يحمد ربه يلقى بنت تعطيه وجه


انا عصبت ومو رايقة لها..

قلت: وش الهديه؟؟

قالت: لا تعالي سطريني

=== ناويه هوشه هي===

قلت: ( افراح) تكفين وش الهديه؟؟ لاتلعبين باعصابي

قالت: شريط خالد عبد الرحمن الجديد


انا صرخت صرررررررررخه
يالله انجنيت من الفرحه
مامدى الشريط ينزل عشان يجيبه لي
يااااااحبي له..


تكفين افراح.. تعالي لنا وجيبيه الله يخليك..

قالت: لحظه بقى شئ مغطى بإيشارب احمر..

قلت: وش؟

قالت:

يؤيؤيؤ

يالللللللللله خيالي

يجنن


انا: وشووووو؟؟؟

قالت: لحظه..
عليه استكار وكاتب بخطه الشين
كان كتبه بكمبوتر احسن..


انا
وووووووووووووووووووووووووووشو؟


قالت:
7
7
7
7
يتبع

ملك الغابة

avatar
مشرف منتدى الترحيب والتبريكات
].•´¯`•.•• (الحلقة الحـــــــــــادي عشر) ••.•´¯`•

قالت: عقد لولوأبيض....
وبالوسط كرستاله على شكل قلب..
وشكلهااااااااااا رهيب مره مره

وكاتب على الإستكار,,



~~~_ (ودي لو انا اللي البسك العقد....)_~~~




...==== انا بعد هالجمله تهت وضعت وسرحت..

( افراح تسبه على هالجمله.. وتقول: مالت عليه وده يلبسك العقد..
إن شاء الله مايلبسك العقد إلا( محمد)


محمد اخوها الي بعد( عبدالرحمن) ويدرس برا ومجننتني فيه
ماتبي يتزوج الا انا..


وانا اللي مو لمها ابد ومادري ايش تقول.. سرحت معاها وتخيلته يلبسني العقد وراحت افكاري بعيد بعيد....=====

وافراح تناديني..
يالله ارتحتي اللحين.. عرفتي الهديه.. اقدر اقول مع السلامه
..

قلت: ناظري يمكن شئ ثاني ماتنبهتي له

قالت: يؤيؤ فيه شيك بمليون ريال..

اقول مع السلامه . مابقى في العلبه الا قراطيس التغليف والورد المجفف المنثور عليها..

ضحكت.. وسكرت التليفون


وطلعت لغرفتي وعقلي سارح ويفكر فيه.
وفي حركة الهديه اللي فاجأني فيها

جاني شعور افتح كمبيوتر واشغل اغنية خالد..
....<<الســــــــؤال>>


وأردد معاه,,

ماسألت بيوم نفسك هالسؤال ,, ياحبيبي ماخطر مره عليك
ليـه انا اشتاقــك يابن الحلال ,, ليه أحبك ليه ميت بس فـيك؟؟





واشبك النت وارسل على إيميله
===


حبيبي بندر..
لو كتبت اجمل الكلمات والابيات
ماوفت ولا عبرت عن اللي بخاطري اتجاهك
حبك في قلبي ماتوازيه القصايد
ياغلى انسان بقلبي
لك مني كل الغلا
ومشكور يابعد هالدنيا على الهديه الحلوة والذوق
تسلم وماتقصر.


الساعه قربت من 12 وبكره مدرسه حطيت راسي على السرير وبدات افكار تاخذني وتوديني بعيد

الين غفت عيني ونمت

وما صحيت الا على صراخ امي وهي تصحيني الصباح للمدرسه

تجهزت بسرعه صاااااااروخيه
اول مره تصير نفسي مفتوحه وابغا اروح للمدرسه .
وصلت لمدرستي والبنات طوابير والإذاعه باديه


وانا اللي اصف بجنب ( مي) واخبرها عن الهديه و
اتذكر الوكيله انجنت مني اول ماشوفها جايه اسكت
وهي اللي تمر كل شوي على طابور فصلي وتقول اسمع صوت,,
طبعا ودها تعرف من اللي تتكلم عشان تهزئها قدام الطوابير,,



,,,,, واناودي والله اطلع بالاذاعه واقول ياااااااااااااااابنات بندورتي جايب لي هديه ... ودي اخبر كل صديقاتي وزميلاتي

فرحانه مره بالهديه لانها من حبيبي وماتتخيلون اش قد البنت تفرح باي هديه كيف اذا كانت من واحد تحبه وتموت فيه!!!
7

7

7
يتبع

7
7
7






امزززززح معاكم باقي فيه تكمله بس حبيت نغير جو
7
7
7


مر هالاسبوع
واللي بعده بسرعه ومثل العاده كل اربعاء وخميس اسهر مع بندورتي
مشت الأيام ومابقى على الاختبارات النهائيه الا اسبوع بس...

وامي صاجتنا يالله دروسكم
ذاكروا
اجتهدوا
وصادرت البلاي ستيشن والفيديو والأسيفر وكل وسيله للعب والتسليه
ومابقى الا كمبيوتري وانا فرحاااااانه
ومادريت الا اللي تنادي اخوي( نايف) وتقول يالله فك الجهاز وعطني ارفعه عنهم
وهو عاد منبسط مره تعرفون العيال وحركات النذاله مع خواتهم..

ويجي( نايف) ويأخذ سلك الكيبل الاسود بس ويعطيه امي
قال: خلاص يمه ارفعي ذا عندك والجهاز مايشتغل الا به

خلاااااص انا وصلت معي قفلت اخلاقي
واتهاوش معاه وشوي نتطاق



هو بصراحه تطاقينا وتضاربنا
وانا اللي طلعت من غرفتي ابكي == بنت واي ضربه تبكيها
بس خليت ابوي ياخذ حقي منه== عملت من الحبه قبه( ان كيدهن عظيم)



===ضايق خلقي
ماطمنت بندورتي
اللحين بيقلق علي ويخاف
ومافيه امل ان امي تقتنع وتعطيني الكيبل( الموصل الكهربائي) شسوي

كلمت( افراح) وكنت ناويه اقولها تدخل ايملي وترسل له وتطمنه
لكن البنت مشغوله مره واختباراتها النهائيه تبدا قبلنا


قلت مافيه الا جوال (مي)

لكن المشكله خلاص ماباقي الا اسبوع على الاختبارت وماراح نروح للمدرسه..

كلمتها تليفون وقلت لها تكفين ارسلي له على جواله اني طيبه وبخير وان امي مانعتني من النت عشان الاختبارات

لما بديت اقول لها رقمه


قالت لاتقولينه عندي حافظته بجوالي

سالتها مباشره: حافظه رقمه؟؟ ليه؟

قالت: اممم== ماجاوبت بسرعه

انا أي رقم اعرفه احفظه يمكن احتاجه واقول ياليتني حافظته
وحتى...
بعدين لو دق علي مثل هاذيك المره اصير اعرف الرقم ماستغربه


قلت: ايه====== ماقتنعت بجوابها ابد

سكرت التليفون منها
وافكر ياربي وش تبي في رقمه؟؟
اعرف( مي)ماحفظت هالرقم الا وراها بلى
شكلها بتشبك معاه
هي عاد كل يوم لهاصديق ومو بعيده تكون حاطه بندورتي في بالها!!


*لا لا ان شاء الله بندر ماراح يعطيها وجه ابد
اصلن لايمكن
وهو يعرف اني احبه واموت فيه وهو بعد يحبني ولايمكن يفرط فيني عشان (مي)


***تركت هالافكار كلهااااااااا
لأن ثقتي في بندر وحبه لي كانت كبيره وماتتصور فوق ثقتي بصديقتي***


اخذت كتابي( الرياضيات) وبديت فيه
وبدينا الاختبارات وبدانا الهم والغثا

اول اسبوع لنا كانت(أفراح) انتهت من اختباراتها
وزارتنا الاربعاء ساعتين بس عشان ماتلهينا عن المذاكره
تحسبنا مثلها.. حتى الاربعاء نذاكر( وجه طفشان

وعطتني الهديه
وكل يومي وانا اعيد الشريط واسمعه
حفظته من كثر ماعيده.
وانا و(رغد) نتهاوش عليه انا ابغا شيءوهي تقول طلعي الشريط مليت
الين ماجت امي وهزئتنا وتشوف ال....
7
7
7
7
7
يتبع

ملك الغابة

avatar
مشرف منتدى الترحيب والتبريكات
.•´¯`•.•• (الحلقة الثــــــــــــــالثةعشر) ••.•´¯`•




قال هي تحب الكمبيوتر؟


قلت: ايه


قال: خلاص خليها تدخل النت==== فكره حلوه

عرضت عليها وووافقت== انبسطت يعني باكلم بندروتي

وهي على النت وانا على الجوال
مالي اكلمه نص ساعه


قالت لي انا طالعه
طفشت
ماعرف شئ
ماسنجرك مافيه احد
ومالي خلق المنتدى ماعرف اكتب وارد



انا

وهو كان يسمعها

قال قولي لها تدخل شات راح تنبسط وتتسلى


وتدخل الشات وتفلها

بعد اسبوع وصل الحد الائتماني 1000 لجوال بندورتي


وكلمني من جوال امه

وبعده من تليفون بيتهم

واستمرينا على كذا كل ليله من ليال العطله السعيده
تجي بغرفتي تدخل النت وانا بالجوال





......


رجعت افراح واهلها من السفر
وطبعا كانت مشغوله بالتجهيز لزواج اخوها الكبير عبدالرحمن
شفناها باستراحه في اجتماع اهلي
وخبرتها بسالفة الجوال
يعني من الالف الى الياء..



عصبت علي
وهزئتني
وقالت لي كم كلمه قويه
وجرحتني فيها



وتغيرت معاملتها معاي ومع رغد بعد

وكنت كل ماتصلت عليها صرفتني
بانها مشغوله بالعرس وتجهيزاته
وبفستانها وباثاث شقة اخوها و و و و و و







قرب زواج ولد عمتي وانشغلت عن بندوره
بالنهار طالعه من مشغل لسوق لكوافير لـ.....................
وبالليل تعبانه مره ومولم الجوال ولا لم بندورتي




وانا احاتي وشايله هم بندورتي كيف باعتذر له
وش باقوله؟
ويني كل هالفتره ؟؟


طلعت الجوال من المكان السري

و
شئ غريب
ولارساله
ولا اتصال
لي ثلاثه ايام عنه
وماسال عني ولا حتى رساله؟

وهو في اليوم كم تجيني رساله منه؟؟
وشلون الحين ثلاثه ايام لارساله ولا اتصال
وش فيه؟
وش اللي غيره؟

لايكون فيه شئ
او يمكن تعبان!
او اهله فيهم شئ؟


الشكوك تدور وتحور..
وفرضت هالاحتمالات كلها واكثر بعد
وجعني راسي من كثر التفكير بسبب غيابه المفاجئ

مافيه الا ادق عليه واشوف وش قصته؟؟

دقيت مره ومرتين وثلاث وعشر
ومايرد علي

ارسلت له رسالتين اترجاه يرد علي
او يطمني عليه برساله

ولا جاني رد



ولا خبر
ولا علم


انشغل بالي عليه

خبرت رغد



وهي بكل برود ولا همها ولا جاء في بالها اصلا

وانا حالتي حاله ولايعلم بها الا ربي

لي اسبوع اللحين مادري عنه
الجوال كان مايرد واللحين مقفول

والماسنجر مايدخل

وش اسوي؟
كيف اعرف وش فيه؟
اكيد فيه شئ
مو عادته يتركني ويخليني ومايسال عني


رغد حست اني متغيره وبالاصح تعبانه ودايم سرحانه وكارهه الحياة كلها

قالت لي عن فكره خطيره مره
اول شئ رفضت وخفت
لكن حبي لبندر وخوفي وقلقي عليه
خلاني اتجرأ وانفذ الخطه
واقدم عليها بكل قوه

-----------------


طلعت الجوال وادور على الارقام المستلمه
واشوف رقم بيت بندر

وادق عليه


وترد علي بنت


واسكت شوي

وهي تقول:آلو,,آلو

وانا ارتجف

اكلمها او اصكر السماعه...؟؟ ؟؟ ؟؟


قلت : السلام عليكم
وهي ترد السلام

وتسالني من انا؟؟

سكت مادري وش اقول؟؟

قلت لها ماتعرفيني
انا اخت صديق اخوك( بندر)====
قويه الكذبه

وبصراحه اخوي قلقان مره على( بندر) ولايدري وش فيه
له اسبوع وجواله مايرد عليه واللحين مقفول

واذا كلم بيتكم تقولون له مو موجود===
بعد كذبه اقوووووى

وهو خايف عليه وطلب مني اكلم احد اخواته واشوف وش به؟

قالت هو طيب وبخير ومافيه الا العافيه
بس ابوي كان مرقد بالمستشفى مسوي عمليه قصدره وهو مرافق له
وان شاء الله بيطلع اليومين الجايات


قلت: الحمدلله على سلامته ومايشوف شر...
و
و

وسلميني على حبيبي بندورتي ههههههههههههههههههه


امزح ماقلت كذا


سكرت السماعه
واحس اني ارتحت وتطمنت عليه
واطمر وابوس راس رغد
لولا الله ثم فكرتها
كان انا على حالي


وبعد يومين كنت بغرفتي معاي الجوال ورغدعلى النت
دق علي


اشوف رقمه( بندر يتصل بك.. )


ومن الفرحه بشوفت رقمه واسمه مو قادره ارد

يووووووووه......



وش هالحب الي احبك اياه يابندر
صدق اني مو احبك بس الا والله اموت فيك
كل هالايام وانا طفشانه وزهقانه ومابي اسوي ولا اسمع أي شئ
ومن شفت رقمك يتصل بس واسمك على الشاشه
واحس ان حياتي
ونورها رجعوا لي

يازين الحب ويازين ايامه واوقاته
وخاصه اذا صار حبيبك غايب ولك فتره عنه ومشتاق له
تحس بطعم الحب وحلا
ته


^
^
^
تصدقون ان كل هالمشاعر جتني بس من شفت رقمه
كيف بتكون اجل اذا كلمته


طبعا الوله له ولصوته خلاني ارد عليه
واول ماسمعت نبرة صوته
ودي ابكي
ياااااااالله شكثر له مشتاااااااقه
كان لي سنين ماكلمته


واخذنا نسولف ونتكلم وعرف اني انا اللي داقه على بيت اهله
طبعا مو الحاسه السادسه خبرته
ههههههه لا
الكاشف
وانا اسولف
قاطعني


وقال( ريمتي
ممكن طلب؟


قلت: تامر امر..

قا ل:

قولي احبك


انا

ايش؟


قال: قولي احبك

قلت: امممممم ليه؟؟

قال: تكفين قوليها

قلت: طيب ليه؟

قال : من زمان ماسمعتها منك..


قلت: واذا صار من زمان ماسمعتها؟؟


قال: يعني مشتاق لها وابغا اسمعها

قلت: تعجبك؟

قال: مووووووووت

قلت: لها الدرجه


قال واكثر
ماتتخيلي وش كثر تعجبني واحبها واموت فيها هي واللي تقولها لي

تكفين حبيبتي قولي احبك



سكت شوي

وقلت له بندر
قال: عيون بندر

يؤيؤيؤيؤيؤيؤيؤيؤيؤيؤيؤ جننتني هالكلمه

قال هاه حبيبتي وش بغيتي؟

قلت: بندر احبك
قال: قوليها مره ثانيه

واعيدها مرتين وثالث وخمس طعشات
وسكت شوي وقلت له
احـــــــبــــــــــــــك
والله احبك
واموت فيك
وماقدر اتركك واستغني عنك
انت حياتي
انت دنيتي

وغنيت له

( انت بحياتي كل شئ. وانا بحياتك من اكون؟؟
ياأغلى من روحي علي.. اهواك انا لحد الجنون)


فجاه
امي عند الباب وتناديني افتحه
وانا اللي اقفل الجوال واخبيه بمكانه وبسررررررررعه تروح (رغد تفتح لها

وكانت تبغاني اسوي لها كرت تهنئه لزوجه( عبدالرحمن) بالكمبيوتر وتحطه
مع الهديه


اشوى انها جت على كذا..كنت خايفه انها كفشتني وسمعتني وانا اكلم بندر



طبعا جاء الليل
ورجعت لعادتي
انا اكلم بندوره ورغد على النت


وهو يسولف قالي انه الاربعاء الجاي معزوم بعرس
وماوده يروح ابد لان ماله خلقهم ولا يحب المعرس ابد ولا اخوانه
ولا عايلته كلها وبينه وبين عيال عم المعرس مشاكل

بس ابوه مشدد عليه انه يودي اهله ويدخل يسلم لانه يقرب لهم وابوه تعبان وموقادر يروح
وبندر اكبر عياله ولازم يروح بالنيابه



ويشاورني على طريقه يصرف ابوه فيها

وانا اعطيه كم طريقه
ياتقول مادليت القصر
والا تعطلت السياره
والا اكشخ وكانك رحت ورح لاخوياك
وووووووو


قال: خلاص باودي اهلي وانا مو داخل
وباروح لاستراحة اخوياي واكلمك


قلت له: ههههههههههاي فاضيه لك انا
الاربعاء زواج( عبدالرحمن ) ولد عمتي
ولايمكن افوته


قال: اللي بيعرس اسمه عبدالرحمن؟


قلت : ايه

قال: وش عايلته؟؟

استغربت سؤاله ..

واقول بنفسي لايكون يعرفه بعد والا صديقه؟
والا نفس العرس اللي معزوم عليه هو عرس ( عبدالرحمن)


قلت: ليه تسال؟


قال: لان العرس اللي اقولك عنه المعرس اسمه عبدالرحمن

انا طارت عيوني وعورني بطني
خفت وماقدرت اتكلم


قلت: ايه عاد من قل المعاريس وخاصه بالاجازه
يمكن غيره====
اصرف الموضوع

قال: طيب العرس بقاعه(الرياض)؟

انا خلاااااااااص
انصدمت وخفت وارتعت ومادري بحلم والا انا نايمه او صاحيه؟؟

وماقدرت ارد


ويسالني مره ثانيه



7
7
7

يتبع

الشاعر يحي

avatar
مشرف النثر والخواطر
مشرف النثر والخواطر
يعطيك الف عافيه
معاك

دمت بود


_________________

آحاسيس صامته

avatar
عضو جديد
قدمت الجزء الثالث عشر..

واصـــل امتعتنا

ابوعزوز

avatar
نائب المدير العام


متابعين ملك
تسلم اناملك

تحياتي لك

زهور العشق

avatar
مشرفة منتدى مساهمات ومشاركات الأعضاء
مشرفة منتدى مساهمات ومشاركات الأعضاء
قصة في غاية الروعة
الله يعافيك يسلموو " مالك الغابـة "


_________________

أحــــبــــــــ ابـــو سعــــــود 05ـــــــك


أنـا أحبك و حبك غيـر كيانـي واحـلوت وزانت أيامـي معـاك

أقولها بكل ما تحمـل من معانـي أحبك وأعشقك وأموت في هـواك

[أحبك حتى لو من حبك أعانـي حتى لـو تجافيني بتحمل جفـاك

أحبك قالـها قلبي قبـل لسانـي أحبك و كـل يوم يزيـد غـلاك



[img][/img]

ملكنا وحبيبنا ووالدنا وقائدنا

سيدي خادم الحرمين الشريفيين الملك عبدالله بن عبد العزيز ال سعود

ملك الانسانية ومحبوب الشعب
الحمدلله على السلامه يالغالي
واقول..
وحفظك الله للبلد ولسكان البلد

يا ملك الانسانيه وملك القلوب

ملك الغابة

avatar
مشرف منتدى الترحيب والتبريكات

أسعدني تواجدكم الرائع ياحلى اعضاء واحلى منتدى
I love you I love you I love you
لكم مني ارق تحيه

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى