منتديات الفن التشكيلي
أهلا وسهلا بك زائرنا اكريم ونأمل انضمامكم لنا ومشاركتنا
منتديات الفن التشكيلي

منتدى يهتم بالفن التشكيلي واللوحات السريالية


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

استاذه آحاسيس صامته ابقي معي الحلقه السادسه

استعرض الموضوع السابق استعرض الموضوع التالي اذهب الى الأسفل  رسالة [صفحة 1 من اصل 1]

ملك الغابة

avatar
مشرف منتدى الترحيب والتبريكات

[size=21](الحلقة السادسة) ••.•´¯`•.••

واخر شئ كتب لي
موب حرام عليك تلطعيني 3ساعات
من 12 وانا هنا انتظر........


قلت له ياعمري والله مو بيدي انت تعرف اننا مجتمعين باستراحه والسياره مو بيدي

3:15ص

تعذر إرسال الرسالةإلى كافة المستخدمين:
قلت له ياعمري والله مو بيدي انت تعرف اننا مجتمعين باستراحه والسياره مو بيدي.


== يالله وش فيه؟؟ معقوله زعل وطلع!!
لالالا انا ماسويت شئ ولا زعلته اكيد اكيد ان الاتصال قطع عنده.


04:30ص


يالله اذن الفجر وهو مادخل؟؟ ووووش فيه؟
خلاص شكله مو داخل
يالله اطلع انام وارتاح.



مانمت ذاك اليوم زين رغم اني كنت تعبانه ومرهقه بس تصرفه شغل عقلي وبالي
وهو يدري ان اختباراتي الشهريه بتبدأ وماراح ادخل النت لا الأسبوع الجاي ولا اللي بعد



مافيه الا اني ان شاء الله ادخل العصر وارسل ايميل اتطمن عليه واساله وش فيه طلع ..!


لما دخلت العصر وفتحت ماسنجر طلع----- يوجد لديك في علبة الوارد 2رسالة جديده

واااااااااااااو ياحبني لك يابندوره سبقني
بسرعه فتحت البريد والقى رساله دعاية
والثانيه من احمد


احمد؟؟؟؟؟؟؟؟؟؟؟؟؟؟؟!!!!!!! يالله من زمان عنه غريبه وش اللي ذكره فيني وش يبغى؟؟




كانت رسالته طويله مختصرها وش سبب غيابي ؟؟
وانه يخبرني انه فتح منتدى ويعرض علىالاشراف فيه؟

^
^
^


انا بعالم وهو بعالم مافضيت الا حق المنتديات والاشراف انا مافضيت الا لبندورتي

ااااااااااه يابندر وينك ياعمري ماوحشتك؟
كذا معقوله تزعل علي بدون سبب
اهون عليك وانت اللي تقول انك ماتقدر تستغني عني؟؟


انتظرت
و
انتظرت
ومليت من الانتظار




سمعت امي تناديني(( ديماااااااااااااااااااااااااااااااااا افصلي النت ابغا التليفون ماتملين منه وانا قايله لك لا تشغلينه العصر ))



يؤيؤ ياويلي ((طييييييييييييييييييييييييييييييييييييييييييييب ))

قامت تهوش قصري حسكِ سمعوك عيال عمك(( احنا وعماني بمجمع بس صوتي طامن ويالله اللي جنبي يسمعني بس ذيك الصرخه لاني طفشانه وابغا النت)) ...
قومي ذاكري الاختبارت قربت


((( يوووووه اختبارات ,,ياضيقة الصدر الله يهديك يايمه زدتي همي هم)))


مسكت الكتاب الى الليل
بيني وبينكم يدخل من هنا ويطلع من هناك
والكتاب كله اشعار واغاني
وعلى غلافه خطيت


( انتظرته وقلبي احساسه يقول صوتي خلي اليوم ماأظن اسمعه )



12:00 م
دخلت النت وفتحت ماسنجري
والقى

لو تجمع حب العالم واحساس وشوق العالم ماتساوي ياعمري غلاك))
الحاله متصل:

انبسطت مره وشعوري ماينوصف
بس ماسلمت عليه والله هو الغلطان وهو اللي زعل بدون سبب




شوي والا هو يسلم علي وانا ساكته,,,,, ------ اول مره اتغلى عليه
ويناديني وانا سااااااااكته----------- قلبنا صرت انا الزعلانه وهو اللي يراضيني*


المهم قال لي كلام وراضاني فيه والكلام .....مشفر إذا كبرتوا أقوله لكم)



وقلت له عن بحث( افراح)

وقال: ان شاء الله اني باحاول اجيب لك كم مرجع وان بغيتي اسوي لها البحث من عيوني
قلت : تسلم عيونك باسالها وارد لك
قال: اوكي بس لاتتاخري لان البحث يحتاج وقت طويل



سالت ( افراح)
تبغا مراجع والا يسوي لها البحث كله


انبسطت هي مرررررررررررررره وقالتلي اقوله يسوي البحث كله


على قولتها( خله يريحني ومنها نستفيد منه




----------------
وارسلت له رساله على ايميله

_--------_

مرت الايام بطيئه على قلبي خاصه انها اختبارات واليوم في الاختبارت كانه سنه

وحبيبي شاغل بالي وووواحشني موت موت

لي اسبوعين مادري عنه ولا عن احواله

انتظر متى يجي الاربعاء اخر يوم من اختباراتي عشان ادخل النت واشوفه

ويلقى قلبي قلبه واتهنى بقربه..

ويجي الاربعاء وانا في المدرسه انتظر بس متى اروح للبيت خلاااااااااااااااااص ماتحمل ذبحني الشوق

واحنا مع ابوي بالسياره




قال: جهزوا حالكم وملابسكم
ترا بنسافر اليوم (لحريملاء ) جدكم مسخن شوي وخالك عازمنا وملزم


انا بانهبل لا لا لالالالالا انا مو رايحه
والله ماروح مالي شغل فيكم

ابوي يناظرني ديما وش جاك؟؟
ماتبغين تروحين لخالك وانتي اللي تصجيني دايم


قلت الا ابغا اروح بس مو هالاسبوع


اجلوهالروحه للاسبوع الجاي(((((((( حرام عليكم والله مشتاقه لحبيبي)))))))

قال: ليه الاسبوع الجاي!!!!
وش عندك هالاسبوع؟

قلت : امممم تونا مخلصين اختبارت وودنا نرتاح

قال: ايه لانكم زهقانين من البيت والاختبارات جتكم هالعزيمه في وقتها



حاولت معاه اننا مانروح بس هو رافض مره مره ويقول ان خالي ملزم وهو مواعده

===== يالله وش هالحظ الشين والله مشتااااااقه له مووووت والمشكله ان خالي ماعندهم نت يالله وش اسوي انا=====

وصلت البيت وعلى ماتغدينا وجهزنا ملابسنا دخلت النت وارسلت له على ايميله اني مشتاااااااااااااقه له موووت وانتظر هاليوم بس وش اسوي في اهلي مصرين نسافر..
وان شاء الله اول مارجع راح ادخل ماسنجري واشوفك

سافرنا ولمارحنا هناك كان جدي تعبان مره ومرقد بالمستشفى
وخالي ما يبغى يروع امي عاد قال انه مسخن يبغا يمهد لها

حالتي والله حاله جدي الغالي تعبان مره وامي ضايق صدرها عليه حيل
واحنا بعد
ومشتاقه لحبيبي



قعدنا بديرة جدي تقريبا 10 ايام,, حتى خف الله يطول بعمره وطلع من المستشفى
وتطمنا عليه ورجعنا للرياض يوم الجمعه

ودخلت النت على طول قبل ماسوي شئ وقبل مافتح كتبي اللي لها اسبوع في الشنطه


واشوف 6رسايل من حبيبي يسال عني ومستغرب هالغيبه
وينتظرني على احر من الجمر



وارسلت له وعلمته عن ظروفي واني اعتذر له وانتظره يدخل الليله..

ودخل بنفس الوقت اللي حددت له
وكان مشتاق لي موووووووت
اول مره احس بهالاحساس
احسه مشتاق لي من قلبه


ويكتب لي اشعار واغاني واهداني هالاغنيه


++++++



ماتصدقون فرحتي بشوفته حسيت أن الدنيا تضحك لي حسيت بالحنان
والأمــــــان (يازين الشوووق)



أبطلع من النت ماقدرت والله ماقدرت قلبي معااااه كيف أتركه وأروح
جت الساعه 4الفجر
و



8
8
8
8

يتبــــــــــــع


[/size]

ملك الغابة

avatar
مشرف منتدى الترحيب والتبريكات
]••.•´¯`•.•• (الحلقة السابعة) ••.•´¯`•.••


يؤيؤيؤ
اذن الفجر وانا مانمت
ياويلي من امي
كيف باروح ادرس وانا سهرانه


واستاذن منه واطلع..

واحاول انام وماجاني نوم رغم أني كنت تعبانه ودايخه مره بس بندوره شاغل بالي وتفكيري ياحبي له هالولد

وانا افكر فيه قربت الساعه6 وربع وانا مانمت وخلاص عيوني تغمض وتدخل امي




يالله المدررررررررررررررررررررررسه بسرعه تاخرتوا

*** يوه يمه مابغا اروح ودي انام

صرخت بوجهي اقول قومي لكم اسبوع مادرستوا***
واقوم وانا كسلانه حيل واتجهز واروح لمدرسه
ويقابلوني صديقتي
وحشوني والله
وانا اسلم عليهم




قالت لي( مي) بندر ازعجني

انا طارت عيوني:: ازعجك!!!!!!!
قالت: ايه ماغير رسايل واتصالت وطمنيني على ريم
انجنيت انا:: معقوله يتصل؟؟؟!
انا قايله له لالالا تتصل


ليه يتصل؟ اكيد بيتطمن علي؟ بس ولو انا قايله له لالا تتصل عليها


طول الوقت وانا افكر ليش يتصل وانا معلمته ومحذرته بعد انه ما يتصل حتى لو مت لايتصل عليها

== رجعت البيت وانتظر متى يجي العصر علشان ادق على افراح واعلمها
لما قلت لها كانت باردةجدا وماتحمست


وتضحك وتقول اكيد يبي يتلصق فيها
مل منك هي عندها جوال وانتي ماغير عل هالنت والشباب يبون تليفون وطلعات




سكرت السماعه منها وضاااااااق صدري معقوله بندر كذا؟؟؟؟
معقوله بندر مل مني؟؟
طيب انا ليه مامليت منه
وليه الى الان احبه واموت فيه

معقوله انه يبغا( مي) ؟؟؟
طيب حتى لو مل مني راح يكلم وحده غير ( مي) وش يبغا بصديقتي؟؟



======== وانا على هالتفكير لحد ماجاء الاربعاء وادخل النت واشوفه متصل
واقعد اسولف معاه وهو يسولف
وودي اساله ليه دقيت على ( مي)
ماقدرت اصبر من كذا وسالته




قال ياعمري والله كنت خايف عليك مره مره
وماعندي وسيله اطمن عليك الا من جوال صديقتك
وكنت باتصل على جوال بنت عمتك افراح لكن ماحفظته بجوالي وراح علي


قلت له طيب ليه حفظت جوال ( مي)؟؟

سكت
فتره طويله ومارد
وانا انتظره
واقوله
الو
الو
وينك


قال: معاك


قلت طيب جاوب

قال:وش اجاوب عليه
قلت على سؤالي ليه حفظت جوال( مي)؟
قال:: اممممم لانها صديقتك

وحفظته من وقتها

اما جوال افراح نسيت لاحفظه بوقتها وراح علي

قلت: اها
وانا اللي اقول بنفسي_ شكل افراح صادقه وانه مل مني ويبغا يتعرف على ( مي)


قلت له طيب ليه مارديت بسرعه
ساعه على ماترد!!!!!!!

قال::انا سكرت الصفحه لان ولد خالتي محمد جنبي ومابغاه يشوف ايميلك اخاف يضيفك

====== سكت ومارديت عليه... الله واكبر يعرف يصرف بعد وجاهزه الكذبه===


هو حس اني زعلانه و وده يلطف الجو
ويقعد يسولف ويتكلم ويكتب نكت والغاز

وانا والله مابيه مليت منه من جد
خلاااااااااااص
احس اني كرهته



ودي اتركه
خلاص مابيه
انا بعد مليت منه

كتبت له بندر انا طالعه

استغر ب ?
وقال: بدري ليه؟؟؟؟


قلت خلاص مليت ووجعني ظهري من الجلسه على الشاشه ابغا ارتاح
حط لي

مليتي؟
مليتي مني؟




ولا شعوريا كتبت له ...
ايه مليت

وخلاص ابغا اطلع
يالله باي


كتب لي لحظه

ابقولك شئ




قلت وشو


قال:

8
8
8
8
يتبـــــــــــــــع

ملك الغابة

avatar
مشرف منتدى الترحيب والتبريكات
••.•´¯`•.•• (الحلقة الثــــــــــــامنــة) ••.•´¯`•.



قال: حتى لو مليتي مني انا احبك واموت فيك وما راح امل منك ياحياتي..

سكت وقلت باي

وسجلت خروجي....

رحت لسريري وحطيت راسي بانام
وياخذني هاجسي...


معقوله بندر يبغا ( مي ) وما يبغاني!!!!

شكله راعي( غزل) ويبي أي بنت يكلمها وتسليه...

لالا

هو يقول انه يحبني ويغليني وانه ماعرف الحب الا معاي واني اول بنت في حياته

طيب ليه كلمها؟؟

بس يمكن انه صادق وانه كلم يسال عني ويتطمن ... بس انا قبل ماسافر مرسله له رساله ومبلغته اني مسافره...
وبعد محذرته انه مايدق
والقهر انه حافظ رقمها ولا حفظ رقم (أفراح)..؟
لايكون بينهم علاقه
لالا مااظن مستحيل مي تخوني
وليه لا اللي سمحت لي اني اكلم ولد من جوالها اكيد تسمح لنفسها
بعدين مي اعرفها هاالحركات هاذي مو غريبه عليها
بس حتى ولو مهما كان مو معقوله انها تكلمه وهي تعرف انه لي وانه يحبني انا مو هي بعدين انا صديقتها ومايمكن تسوي شي يزعلني


****


يالله من هالافكار اللي خلت راسي يدور فيني وماادري وش اللي اصدق منها وش اللي اكذب
اقول احسن شي انام واريح نفسي



_----------------------------------------------------------------------------

راح الخميس والجمعه ومادخلت النت..
ضايق خلقي ومالي نفس بأي شئ حتى الاكل مابيه

بس افكر ليه يدق عليها؟؟ وش يبي؟؟
ودوامت الاسبوع كله
وجاء الاربعاء وانا متردده ادخل النت او لا!!!!

و
مـــــــادخلت

ولا اشتقت له ولا شئ
صحيح اني افكر فيه بس ماشتقت له ابد وماولهت عليه وماجاءني شعوري اللي يجيني كل اربعاء..



اتصلت علي ( افراح) وخبرتني ان اخوها ( عبد الرحمن) خطبوا له وان هم حددو ملكته بعد اسبوعين واننا اول المدعوين..

ولزمت علي اني اطلع معاها بكره للسوق تبي تتسوق واخواتها اللي معزوم واللي مشغول..

وخبرتها اني بستأذن من ابوي وارد لها..



ابوي طبعا وافق ورحت معاها وكان اللي مودينا( حسام) اخوها
تسوقنا ولما خلصنا وبنرجع للبيت لزمت ( افراح وحسام) اني انام عندهم
واذا جاء بكره يرجعوني
نمت عندهم وانبســـــــــــطــــــــــت ونسيت شئ اسمه( بندر) رغم اني لي اسبوع كامل ماشفته ومادري عنه
وانا اللي اوله واشتاق له من اول يوم اغيب عنه


شعوري تغير مره مره .. وهو شئ غريب وحتى انا مستغربته
وكيف كنت اموت فيه واحبه واشتاق له ولكلامه ولصوته
ومن شكيت انه يكلم غيري وانا احساسي وشعوري متغير ومتبدل وماكاني انا اللي احبه

حسيت ان حبي نزوه ومجرد تسليه ولو اني احبه صدق كان ما مليت منه ولا استغنيت عنه...
مرت الايام
والايام
والاسابيع بعد
ويجي الاربعاء ويروح وانا اللي مادخل النت ولا حتى افتح الكمبيوتر لاني بالأصل ماأفتحه الا عشان بندر وبندر مليت منه.. وخلاص مابي اشوفه ومالي خلقه الله يهنيه بــ( مي).



ويجي الخميس واليوم ملكة( عبدالرحمن) ولد عمتي
واروح اكشخ واتزين ونحضر الحفله
وكانت من اجمل الحفلات اللي بذاكرتي لحد الان..
واحنا بندخل على صالة العشاء نادتني ( افراح) على جنب


وقالت لي" شخبار بندر؟؟

قلت : طيب


قالت: وبحثي اللي بيسويه شخباره؟؟

قلت : مادري عنه..

قالت: وش اللي ماتدرين؟؟؟ انتي ووجهك؟؟

بتورطيني انتي وياه!!!


ترا انا متكله على الخبل حقك ومااشتغلت فيه ابد
لا تقولين انه مابدا فيه او ماخلصه؟؟؟

قلت : طيب لاتنفخين

قالت: مانفخت بس اسالك انا

قلت : انا تركت بندر


هي


وووووش تقولين؟؟


قلت لها: ايه تركته من زمان ولي اللحين تقريبا ثلاث اسابيع مادخلت النت ولا شفته

قالت : يؤيؤ وش ذا الكلام وش اللي تتركينه؟؟ ليه ماقلتي لي !!!!

اللحين تورطيني ولا تخليني اشتغل على البحث وتتركينه؟؟
وبعد ليه تتركينه؟؟ تهاوشتوا؟


قلت : لا ماتهاوشنا بس انا خلااااااااااااااص مابيه

قالت: وليه ماتبينه؟


قلت: بس مابيه..
قالت: طيب وش السبب؟؟ فهميني

****** وانا بأبدأ اخبرها وتنادينا عمتي( ام عبدالرحمن) يالله تعالوا وش تنتظرون الناس بيخلصون عشا وانتم تسولفون مو وقت سوالف******


تعشينا وبعدها انشغلت ( افراح) واخواتها و اخوها وزوجته بالتصوير والرقص
وانقطعت السالفه ورجعت البيت وانا ما كملتها لها..


بعد يومين اتصلت علي( افراح) تسالني عن السبب؟؟
وشرحت لها الوضع والسالفه بالتفصيل..

كانت باااااااااااااااااارده ومو متحمسه ابد
و


قالت لي.: انتي مكبره الموضوع ومخليه من الحبه قبه..
انتي مصدقه انك تحبينه؟؟ وبعد تغارين عليه؟

يابنت اصلاً هالوقت مافيه حب
كلها سعة صدر وتسليه
واهم شئ انك تستفيدين منه
وانتي اللحين ورطتيني,,, بحثي لازم اسلمه وانا متكله عليك انتي وياه واخر شئ تتركينه...

كان صبرتي طيب لما اخذ البحث ثم تركتيه هههههههه


قلت: طيب مهم بحثك؟؟

قالت: وش اللي مومهم؟؟ بحث صفي عليه 100 درجه لو ماجيبه احمله فهمتي

قلت طيب روحي لاي مكتبه وخليهم يسونه لك

قالت: لاوالله مابقى الا اسبوع على موعد التسليم وانا مابعد قلت لهم معناتها انهم بيدبلون السعر علي وبعد يمكن مايمديهم يخلصونه..



شوفي( ديما) اليوم تدخلين النت وتكتبين له رساله وقولي له وش اخبار البحث

قلت: لااااااااااااااا
لايمكن ارسله واقوله
وش بيقول؟؟ مصلحجيه
اللحين ماتبيني ولما جاء البحث جت تسال..


قالت:عااااااااادي.. مافيها شئ

قلت.. لاوالله .. انا قايله له اخر مره اني مليت منه

قالت: عااااااااااااااادي قولي له انك تمزحين معه وبتشوفين ردة فعله

قلت: ياسلام باشوف ردة فعله وانا لي ثلاث اسابيع مادخلت؟؟

قالت: عاااااااادي

قلت لها.. انتي كل شئ عندك عاااااااادي

قالت: هههههههه عادي قولي له ان اشتراكي خلص
وابوي رافض يجيب لي وانا حاولت معه وهو يقول الانترنت مامنه فايده
او ان ابوي مسافر
او جهازي خرب
او تليفونا انقطع
ياختي صرفيه باي كذبه اهم شئ قولي له انك مشتاقه له ومتقطع قلبك عليه..


.......شوفي انتي ورطتيني بالبحث لازم يجيبه لي باي طريقه مالي شغل فيك فاهمه
والا والله لازعل عليك.....


يوه عاد انا زعل( افراح) ماقدر عليه..

قلت لها طيب باتصرف..

دخلت النت وسجلت دخولي ومالقيته متصل
واشوف في بريدي 19 رساله جديده


هاهاهاهاهاهاهاهاهاهاهاهاهاها
كلهااااااااااااااا منه..
وابدا افتح وحده وحده

طبعا كلها يسال عني وليه انا زعلانه منه وليه مليت
وانه تعبان وحالته حاله وانه فقدني ومشتاق لي
واني قاسيه واني جارحه واني معذبته
وارجعي لي يا( ريم) ووووووووووووووووو


اخر رساله


7
7
7
يتبع

الشاعر يحي

avatar
مشرف النثر والخواطر
مشرف النثر والخواطر
رااائع
يعطيك الف عافيه
معاك

دمت بود


_________________

ابوعزوز

avatar
نائب المدير العام
روووعه تسلم اناملك

معاك للآخر ننتظر وبداعاتك


آحاسيس صامته

avatar
عضو جديد

بدأ الحماااس

واصــــــل

زهور العشق

avatar
مشرفة منتدى مساهمات ومشاركات الأعضاء
مشرفة منتدى مساهمات ومشاركات الأعضاء
]روووعه تسلم اناملك

معاك للآخر ننتظر وبداعاتك


_________________

أحــــبــــــــ ابـــو سعــــــود 05ـــــــك


أنـا أحبك و حبك غيـر كيانـي واحـلوت وزانت أيامـي معـاك

أقولها بكل ما تحمـل من معانـي أحبك وأعشقك وأموت في هـواك

[أحبك حتى لو من حبك أعانـي حتى لـو تجافيني بتحمل جفـاك

أحبك قالـها قلبي قبـل لسانـي أحبك و كـل يوم يزيـد غـلاك



[img][/img]

ملكنا وحبيبنا ووالدنا وقائدنا

سيدي خادم الحرمين الشريفيين الملك عبدالله بن عبد العزيز ال سعود

ملك الانسانية ومحبوب الشعب
الحمدلله على السلامه يالغالي
واقول..
وحفظك الله للبلد ولسكان البلد

يا ملك الانسانيه وملك القلوب

ملك الغابة

avatar
مشرف منتدى الترحيب والتبريكات

أسعدني تواجدكم الرائع ياحلى اعضاء واحلى منتدى
I love you I love you I love you
لكم مني ارق تحيه

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى