منتديات الفن التشكيلي
أهلا وسهلا بك زائرنا اكريم ونأمل انضمامكم لنا ومشاركتنا
منتديات الفن التشكيلي

منتدى يهتم بالفن التشكيلي واللوحات السريالية


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

استاذه آحاسيس صامته ابقي معي

استعرض الموضوع السابق استعرض الموضوع التالي اذهب الى الأسفل  رسالة [صفحة 1 من اصل 1]

1 استاذه آحاسيس صامته ابقي معي في الأحد فبراير 20, 2011 1:59 pm

ملك الغابة

avatar
مشرف منتدى الترحيب والتبريكات
الحلقــــــــــــــــة الثالثه



لما جت الساعة 12 دخلت

و

ما لقيته
لاااااااا لااااااااااا
جن جنوني
يااااااااااربية وش فيه

ما حسيت بنفسي إلا وأنا أهز رغد


- رغــــــد رغــــــــد قووومي رغد تكفين

- يوووووه وش تبين ؟ أزعجتيني

- رغـــــد بندر ما دخل؟

- مالت علييييك يالسخيفة تكوميني عشانه


- رغد تكفين حسي فيني .. أخاف فيه شي ؟


- ايه أن شاء الله مصكوك بحـادث



(( رميت المفرش بوجهه )) صكوك جنانوه اللحين إذا طلعت من الغرفة


ما فيه إلا أفراح أكلمها وأ خذ أخبارها وخليها تسليني


كلمتها وقلت لها أن بندر ما دخل اليوم وأنه ما هي عادته تتوقعين فيه شي؟؟

ههههههههه أكيييييييييد صاكك بحظر -

لالا ما يسويها أصلاً ما يصدق يشوفني متصلة .. ويسلم علي قبل ما اسلم عليه .. وشلون تبغين يصكني حظر

-أكييييييييد مع حبيبته الجديده


(( قهرتني بكلامها )) يا لله بااااااااي أفراح أحس أني تعبانه و بروح ارتاح


أبدخل النت أن شاء الله أشوفه

لاااااالاااااااا ما ني داخله أخاف ما ألقاه

أبدخل أرسل له رسالة عشان إذا دخل يقراها



(( طبعاً هذي الرسالة ماتدري عنها أفراح .. لو تدري كان أكلتني وجبة من الهوااااااش)

من الساعة 10 وأنا متصلة

وانتظر حبيبي مشتااااااااقة له مره مره مررره

والساعات بطيئه مره

وفجـــــــــــــأه

تم تسجيل الدخول ( لو تجمع حب العالم واحساس وشوق العالم ماتساوي ياعمري غلاك)>>بندر


(ولهاااااااان وقلبي يمووووت كل لحظة ينتظر)>>ريم (ديما )
هلااااااااا وغلا للي له القلب مشتااااااااق

لو تجمع حب العالم واحساس وشوق العالم ماتساوي ياعمري غلاك)
هلا بك أكثر


(ولهاااااااان وقلبي يمووووت كل لحظة ينتظر)
وينك أمس ولا رديت حتى على رسالتي
لو تجمع حب العالم واحساس وشوق العالم ماتساوي ياعمري غلاك)
معليش كانت امي تعبانه و وديتها للمستشفى

(ولهاااااااان وقلبي يمووووت كل لحظة ينتظر)
شغلت بالي كان طمنتني أو أعطيتني خبر


لو تجمع حب العالم واحساس وشوق العالم ماتساوي ياعمري غلاك)
ما مكني الوقت

(ولهاااااااان وقلبي يمووووت كل لحظة ينتظر)
بس تدري انك أشغلت بالي و.. وقلبي.....

لو تجمع حب العالم واحساس وشوق العالم ماتساوي ياعمري غلاك)
سلامة قلبك ياقلبي .. أوكي حبيبتي هذا رقم تلفوني الثابت ... وهذا رقم جوالي .... 05 لو أحتجتي تطمنين علي

(ولهاااااااان وقلبي يمووووت كل لحظة ينتظر)
أنا سكت ولا كلمه


لو تجمع حب العالم واحساس وشوق العالم ماتساوي ياعمري غلاك)
حبيبتي لا تفهميني غلط أنا أقول لو أحتجتي تطمنين علي ..أنتٍ بس سجلي عندك

(لهاااااااان وقلبي يمووووت كل لحظة ينتظر)
طيب طيب

(( مسكت النوتة وسجلت رقمه كذا .. لا أكثر ولا اقل))



لما رحت لأفـــراح قلت لها أنه أعطاني رقمه وانه دخل باختصار كل شي قلت لها.. بس ما قلت لها أني أرسلت له

جاء في بالي اسمع صوت الشخص اللي تخلل في كياني واشغلني

قلت لأفراح

أفراح وش رأيك أدق عليه من جوالك يقال لي غلطانة؟

مين اللي تبين تدقين عليه


هذا البايخ بندر >>> البايخ أيه هين قلبك متقطع عليه


لا مالي خلق إزعاج والشباب ها لأيام ما يصدقون بنت تدق عليهم بالغلط
عشان يجننونها

لا ما عليك إذا أزعجك عطي جوالك أخوك حسام وتنتهي المشكلة

اممممم طيب بس شوي ما بي أخسر عشان واحد بايخ على قولك


((وأخذ جوالها وبدق ما قدرت خفت أحس يدي مو قادرة تدق الأرقام كأني بأقتل شخص مو بدق ))


خلااااااص أفراح هونت مابي ادق

الحمد لله وش فيك تناقضين نفسك

لا بس شفت انه ماله داعي أدق وش أقول

بكيفك..


أفرااااح

نعم


عطيني هونت أبدق


كم رقمه عشان أدق وأعطيك إياه

(عطيت الرقم )

ديما يرن يرن خذي


آآآآلـــــــــو

سكت أبتكلم ما قدرت توقف قلبي معقولة هذا بندر معقولة أنا اسمع صوته
لالا لااااااا أكيد أحلم

آلـــــــــو ألو

مرحبا


هلا

هذا جوال محمد

ايه نعم .. مين معاي


لا خلااااااص شكلي غلطانه مع السلاااامه

أفراح
خير

افراح قلت هذا جوال محمد قال ايه


ههههههههههههه اه ياقلبي يحليله أذكر اسمه خالد وأعترف وقال أنه بندر واللحين يقول محمد ياااااناس أضحكوا..هذا يعطي وجه لأي بنت تكلمه واااضح مايحتاج دليل شفتي انه حاظرك كرررركر

لا أفراح لا تظلمينه ..


البنت للحين متوهمة يا قلبي عليك



رحت للبيت وعلى طول دخلت النت على الموعد اللي اتفقت أنا وياه

لو تجمع حب العالم واحساس وشوق العالم ماتساوي ياعمري غلاك)
أهلييييييييييييييييييين روحي

(ولهاااااااان وقلبي يمووووت كل لحظة ينتظر)
(مارديت ..من شفته متصل وأنا كلمة آلو ما فارقتني معقول اللي سمعت صوته هو أنت معقول اسمه محمد .. معقول يلعب علي )


لو تجمع حب العالم واحساس وشوق العالم ماتساوي ياعمري غلاك)
حبيبتي وووووووووينك الوووو


(ولهاااااااان وقلبي يمووووت كل لحظة ينتظر)
معك


لو تجمع حب العالم واحساس وشوق العالم ماتساوي ياعمري غلاك)
أخبااارك حبيبتي؟ وش سويتي اليوم

(ولهاااااااان وقلبي يمووووت كل لحظة ينتظر)
(ضايق صدري ) بعدين أقولك .. اليوم دق احد على جوالك


لو تجمع حب العالم واحساس وشوق العالم ماتساوي ياعمري غلاك)
كيف حبيبتي ما فهمت

(ولهاااااااان وقلبي يمووووت كل لحظة ينتظر)
لا تقول حبيبتي ترى مالي خلق


لو تجمع حب العالم واحساس وشوق العالم ماتساوي ياعمري غلاك)
يؤ عسى ماشر

(ولهاااااااان وقلبي يمووووت كل لحظة ينتظر)
طيب انت جاوبني .. لأني دقيت اليوم عليك..... دقيت عليك يامحمد

لو تجمع حب العالم واحساس وشوق العالم ماتساوي ياعمري غلاك)
هههههههههههههههههه يا عمري نسيت اقولك معليش ياحيااااتي

(ولهاااااااان وقلبي يمووووت كل لحظة ينتظر)
وش تبي تقول بعد

لو تجمع حب العالم واحساس وشوق العالم ماتساوي ياعمري غلاك)8



8
8
8
يتبع

2 رد: استاذه آحاسيس صامته ابقي معي في الأحد فبراير 20, 2011 2:02 pm

ملك الغابة

avatar
مشرف منتدى الترحيب والتبريكات

[size=16]••.•´¯`•.•• (الحلقة الرابعــــــــــــــــه) ••.•´¯`•.••
ولهاااااااان وقلبي يمووووت كل لحظة ينت
طيب جااااااااوبني !!!
لأني دقيت عليك اليوم....يـــا محمد ؟؟!!


لو تجمع حب العالم واحساس وشوق العالم ماتساوي ياعمري غلاك)

ياااااااااااااااالله ياحياتي,, نسيت أقولك, معليش والله معليش سااااامحيني
جوالي هالفتر ة مع ولد خالتي..



(ولهاااااااان وقلبي يمووووت كل لحظة ينتظر)

...........................!!!!!؟؟؟؟؟؟

**سكت و مارديت


لو تجمع حب العالم واحساس وشوق العالم ماتساوي ياعمري غلاك))
وووووووو ينك ياقلبي!! ليه ساكته..؟


ولهاااااااان وقلبي يمووووت كل لحظة ينتظر)

افكر,,ماعمري سمعت أحد يعطي ولد خالته جواله ويقعد هو بدون شئ؟؟


لو تجمع حب العالم واحساس وشوق العالم ماتساوي ياعمري غلاك))

هههههههههه ياحياتي.. انا صحيح ماأستغي عن جوالي . بس جواله مقطوع و

هو محتاج للجوال مره وعاد جوالي مايغلى عليه لانه ولد خالتي واعز اصدقائي واقرب واحد لقلبي..

(ولهااااااااان وقلبي يموووووت كل لحظة ينتظر)
أها...عشان كذا
طيب معليش احرجتك معاه..آآآآآآآسفه ياعمري.



لو تجمع حب العالم واحساس وشوق العالم ماتساوي ياعمري غلاك))
لاااااااااااا تقولين كذا..بالعكس انا مو محرج ولا شئ
أنا منقهر ..أأأأأأأأأأأخ يالقهر..فاتني صوتك .واللي يقهر اكثر انه سمعك وانا اللي احبك واموت فيك ماسمعت صوتك



لو تجمع حب العالم واحساس وشوق العالم ماتساوي ياعمري غلاك))
بس اكيييييييييد حبيبتي بتعوووضني بإتصال ثاني..صح ريم صح ياقلبي؟؟


(ولهااااااان وقلبي يموووووت كل لحظه ينتظر)
مادري .. باشوف أذا قدرت وحصلت لي فرصه.. بس في بالي سؤال من أغلى انا أو ولد خالتك؟؟



لو تجمع حب العالم واحساس وشوق العالم ماتساوي ياعمري غلاك))
هههههههههههه ... كلكم غالين علي ..انتي حبيبتي وعزيزتي وهو حبيبي وعزيزي





** انقهرررررررت مره مره منه .... مالت عليه يقارني بولد خالته
وووووسكت مارديت عليه



لو تجمع حب العالم واحساس وشوق العالم ماتساوي ياعمري غلاك))
وووووووووينك ريم اشفيكي ساكته معاكي احد بالماسنجر ومشغوله معاه؟؟
تراااا اموووووت من القهر
ابغاكي لي بس بس..




ولهاااااان وقلبي يمووووت كل لحظة ينتظر)
لا ياعيوني مامعاي الا انت بس..
وانا ابغاك لي بس انا مابي ولد خالتك يكون بقلبك معاي

"""احب المركز الأول بقلبك وارفض الثاني"""


لو تجمع حب العالم واحساس وشوق العالم ماتساوي ياعمري غلاك))
ياحبيبتي... انتي الاولى والوحيدة بقلبي
ولد خالتي اعزه واغليه.. لكن انتي لك الحب والغلا والمعزه والروح والحياة .. انتي دنياي
أنتي قلب بندر وحياته وروحه وعمره
انتي حــــــــــبــــــــيـــبـــــتــــــــي



*** يالللله ياززززززززين ذا الكلام
وااااااااااو جنني



لو تجمع حب العالم واحساس وشوق العالم ماتساوي ياعمري غلاك))
ريم ياعمري لاتزعلي مني
عشان قلت ولد خالتي اعزه ترا اعزك والله اكثر منه.
وانتي مره قلتي لي ان بنت عمتك تحبيها وتغليها وتعزيها لانها اقر ب وحده

لك وصديقتك ومع ذلك مازعلت منك, بالعكس صرت احبها لان حبيبتي تحبها واغليها لان حبيبتي تغليها
فهمتي اللي ابغا اقوله ياحياتي...؟



***انا في وادي وهو في وادي...هاهاها سرحاااااااااانه في كلامه
بيني وبينكم اعجبني موووت ..يالله ماعمري سمعت ذا الكلام اللي يطير العقل
ياززززززينه وهو يقول انتي قلب بندر وحياته..طالعه من لسانه مثل العسل
اعجبتني مره مره واتخيله وهو يقولها لي يآآآآآآآآآآه

والله هبل فيني هالبندر..ملك عقلي وقلبي
خلا ني مو احبه بس إلا امووووووووووت فيه اكثر واكثر


(ولهااااااان وقلبي يمووووت كل لحظ ينتظر)
فهمتك ياعيوني فهمت.



*** طلعت من الماسينجر
واتصلت على( افراح) وعلمتها بالتفصيل عن كل شئ..


قالت لي عاد انتبهي يحوس راسك بهالكلام الزين وتصدقينه وتتصلين مره ثانيه
تراهالكلام قايله لمليون بنت مثلك
مايحتاج اوصيك من الذئاب البشريه انتي ادرى مني بهم
وتعرفين القصص والبلاوي اللي نسمعها وبدايتها انها كلمته وحبته لانه يقولها كلام معسول وووووو


ضحكت انا وقلت لاتوصيني



** رحت لسريري بأنام ..ماجاني نوم يالله احاول انام اتقلب يمين شمال
لالالالالا مافيني نوم
ياربيه شسوي؟؟
ذبحني التفكير..يالله بندر صادق في حبه لي أو لا؟؟
يحبني من قلبه او يتسلى !!
لا لالالا اكيد انه ينصب ويكذب مثل الشباب
بس احس انه صادق واحس انه يحبني ويموت فيني ويغليني ومايحب يزعلني...
ويكفي انه انقهر لان ولد خالته سمع صوتي وهو ماسمعه
حتى انا والله اني انقهرت كان ودي اسمع صوووووووووته بس يالله مافيه

أمل لان افراح ماراح تسمح لي اخذ جوالها واتصل عليه

وانا ماعندي جوال ولا فيه امل اشتري الا اذا دخلت الجامعه.

وعلى هالموال من التفكير في بندر وفي صوته وفي شكله
الييييييييين دخت ونمت ومادريت الا امي تصحيني اصلي الفجر



صليت وتوضيت ولبست مريولي ورحت للمدرسه انا ورغد



وانا اسولف مع صديقاتي واعلمهم ان اللي اسمه محمد صار ولد خالته وانه انقهر لانه ماسمع صوتي
وانا انقهرت اكثربعد
واني مافيه امل اسمع صوته لان( افراح) اكيد بترفض تخليني اكلمه من جوالها
وماعندي وسيله الا جوال افراح لانه مو باسمها
ولو صار شئ بيني وبين بندر مايقدر يضرها ولا يجيب أي شئ عنها

لانه باسم مصريه وهالمصريه لها كم شهر مسافره.

قالت لي( مي)
ولااااااااااااااااايهمك كلميه من جوالي
الجوال وصاحبته فداكِ يا ديما
بكره بأجيب جوالي
وكلميه ان بغيتي بالمدرسة او باللبيت احسن عشان مانتورط مع الادارة والاستاذات لو صار فيه تفتيش


قلت له لالالا
صعبه وين تجيبن معاك الجوال
مجنونه انتي والله ان يكتبونك تعهد ويفصلونك بعد


قالت : ههههههههههههههههههه على كيف امهم يفصلوني
انا باجيبه ان بغيتي كلميه وان مابغيتي لا تكلمينه براحتك..


قلت لها: انا بصراحة ودي اسمع صوته بس مابغا اكلمة اخااااااااف مره مره
واحس اني بأرتبك وبالخبط الدنيا


قالت سلمي عليه وقولي كيف الحال ايش اخبارك؟
واسكتي
اذا جاوب
قولي يالله مع السلامه. وووووبس انتهت القضيه


قلت خلااااص جيبيه وباكلمة بس بالبيت




*** رحت للبيت ومانمت الظهر بس افكر..المغرب رحت لغرفة ( رغد) بأخبرها ان

( مي ) بتجيب جوالها وبتخليني اكلم بندورتي

انهبلت طار عقلها

وش تقولين ؟؟؟(ديـمـــا) أنتي صاحية؟؟!! تتكلمين جد
واذا شافت امي الجوال وش بتقول؟؟
والله ان تتطربق الدنيا فوق روسنا
ترا بتكلمين ولد مو بنت مو صديقتك ؟؟!! تفهمين كلامي
صحصحي ياديما!!!!


""""""""
صرخت بوجهها خلاص اص.... طفشتيني انتي وخوفك.. هي وش بيعرفها ؟؟! ومن بيعلمها؟؟
يعني انا مجنونه باكلمه عندها!!
باكلمه بغرفتي وباسكر الباب وباقفله وماراح تدري



كشرت ( رغد) بوجهي.
خلااااااااص بكيفك سووي اللي تبغين
مالي شغل فيك انتي اكبر مني واعرف مني
انا مالي دخل بك ..
اوكي؟؟!

يالله ضفي وجهك عني واطلعي من غرفتي غير مطروده


قلت لها:
طيب مالت عليك وعلى غرفتك .


رحت لغرفتي ويااااااااااالله بداني التفكير
اكلمه او لا؟
ياربيه مادري شسوي
محتاره
اكلم ( افراح) واخذ رايها؟؟



لالالا اكيد بتعيي. عاد هي خوااااااافه مره
وشلون لو قلت لها ان صديقتي بتجيب الجوال للمدرسه وباخذه للبيت
بتهاوشني وبتمنعني


خلاااااااااااااص هذا قراري النهائي

باكلمه شوي بس مو مطوله معاه
""""""""""""

رحت للمدرسة واخذت الجوال من مي والرمز الشخصي وقفلته
مافتحته الا لما سكرت باب الغرفه بقفلتين
وشغلت شريط خالد عبدالرحمن وكان هالشريط لسا جديد





مسكت الجوال واخذت ادق الرقم الاول ويدي ترتجف
ادق الرقم الثاني وجسمي كله يرتجف
ادق الرقم الثالث قلبي بيوقف من شدة الرجف
ااااااااااااااه



خلاااااااص مابي اكلمه
احس باموت من الخوف
تركت الجوال وقفلته خلاااااااااااص مانيب مكلمته
ماقدر ماقدر
اعصابي مشدودة مره مره ومتوتره وخايفه وقلقانه

طلعت من غرفتي باغير جو وبانسى هالسالفه
وباشرب لي عصير يبعد هالتوتر عني
شفت رغد بالمطبخ فاتحه الثلاجه وتتامل


قلت لها تعالي بغرفتي ابغاك


جت رغوده وقلت لها اني خايفه ومتوتره


قالت رغم انك ماتستاهلين من يوقف معاك بس يالله انا باسهل

عليك هالمهمه وباتصل ومنها اسمع صوته ذا الخبل القرقار__
( رغد ماتحبه ابد ابد وتحس انه بالع في بطنه راديوا من كثر كلامه معاي بالماسينجر )

وبعد نقااااااااااش طويل
قررت ان رغد تتصل وانا اسمع صوته بالسماعه الثانيه(( قبل مايصير فيه سبيكرات بالاجهزه))


أخذت (رغوده) رقمه ودقت عليه
والجوال يدق يدق
ومع كل دقه كان قلبي يدق بقوه ويرجف
فجأه وقف الدق ومعها كان قلبي بيوقف
سمعت:

[/size]

3 رد: استاذه آحاسيس صامته ابقي معي في الأحد فبراير 20, 2011 2:03 pm

ملك الغابة

avatar
مشرف منتدى الترحيب والتبريكات
قلبي, قلبي بيوقف هذا بندر هذا عمري يقول الوووو ياااااااربي


[align=center]قالت ( رغد) السلام عليكم.

قال وعليكم السلام

قالت معاي بندر؟

قال ايه معاك بندر..

قالت كيفك؟

قال الحمدلله بخير وبعافية

ميييييييين معاي؟؟

قالت ماعرفتني؟؟

قال لا مين؟

قالت أنا ريم===(هييييييييييه انتي خير وش ريم؟؟؟؟)


سمعت صرخته وهو يقول ( رييييييييييييييييييييييييم ) هلااااااااااااااااااا والله وغلا
حيا الله هالصوت


ضحكت له وقالت الله يحييك ====( انا خلاااااااص باموت من القهر.. ماحب احد يتقلص شخصيتي)

وش اخبارك؟ وش علومك؟

قالت طيبه. وبخير . باقولك حاجه

قال أأأأأمري ياعمري قولي اللي تبينه


سكت هو مارد بسرعه..

قال من اجل؟؟

قالت انا اختها ..بس هي طلبت مني اكلمك اول شئ لانها مرتبكه مره
وامهد لها الوضع واللحين هي بتكلمك


قال يالله يالله هاتيها..

عطتني الجوال وقالت خذي كلميه
((( اناااااااااا دوروني ماتلقوني.. الارض مو شايلتني من الرهبه والخوف..وهالخبله حطتني قدام الامر الواقع ياكلمه ياكلمه يعني مافيه مجال لاي حل اخر لازم اكلمه)))




مسكت الجوال وخلعت السماعه لاني انحست منها وانا ادور السماعه الثانيه , الاسلاك متشابكه ويديني تنتفض وعيوني ماتركز ___ لالالا تلوموني وحدة أول مره تكلم حبيبها.

قلت: الو

قال: هلاااا

قلت اهلين

قال : هلا بعمري, هلا بقلبي, هلا بروحي\\( يؤيؤيؤ,, يابن الناس ارحمني انا اضيع مع هالكلمات)//

قلت : هلا بك

كيفك؟ وش مسويه؟

الحمدلله ماشي الحال

واخبار الدارسة؟؟

ماشي الحال

واخبار اهلك واخوانك؟
بعد ماشي الحال //( كل شئ عندي ماشي الحال.. معلقه على هالكلمة هاهاهاها)//

انت كيفك؟

انا الله يسلمك كنت طيب وبخير وبعافيه بس من عرفتك وانا متغير ومختلف وصاير دايم افكر وسرحان وقلبي مريض وروحي عليله. والسبب كله انتي

ضحكت انا ضحكه مصطنعه
(انا السبب)!!


قال ايه انتي
والله جننتيني ياريم. تخليني احبك واموت بك وتتركيني.. وتبعدين عني
..

قلت بنفسي والله مادري من اللي جنن الثاني بكلامه

وقلت له بصوتي: كيف جننتك!!
ومن قال اني تاركتك أو مبعده عنك؟؟؟=========
===( مادري كيف صرت جريئة واسترسلت بالكلام وقبل شوي كان دمي بيجمد بعروقي من الخوف وانا ادق رقمه بس واللحين اضحك واسولف وانا اسمع صوته!!)======

قال: جننتيني بحبي لك
صرت مجنون فيك بس افكر فيك واحلم فيك واتخيلك دايم معاي ماتعتبرين ان هذا جنون؟


قلت: لا لا.... الجنون انو مايصير لك عقل .

ضحك ضحكة تجنن تجنن تجنن رهيبه موت موت موت

قال ومن قالك ياحياتي انو لي عقل؟؟
انا خلاص عقلي رااااااااح صار كله ريم ريم... بندر عايش بدون عقل
عقله كله مع وفي ولريم
عشان كذه قلت انك جننتيني. فهمتي حبيبتي



====( مادري وش يقول ,, مافهمت شئ,, لان ضحكته جننتني انا)=====


هو تكلم وقال سواليف وقصص ووووو....و...........و.............و...........و................
ماذكر شئ منها الا كلا مه الحلو اللي يناديني به
وباسمي اللي صار احلى اسم سمعته
(( صحيح انه ماكان اسمي ريم وان اسمي الحقيقي ديما الا ان اسم ريم عندي صااااااار احلى اسم بالدنيا لانه يناديني به))

وهو يتكلم
نواف يصارخ تحت ويقول يالله ياديما انتي ورغد تعالوا العشاء


قاطعته وقلت يالله بندر انا طالعه

قال: وين بتروحين؟
أنا : هاهاهاهاهاها متاثره بالماسنجر

قصدي اقولك اني باسكر السماعه لان اللحين وقت العشاء وانا اسمع صراخ اخوي تحت

قال: يووووووه ياحياتي ماشبعت منك..\\( الظاهر يحسبني كودود او كباب مايشبع مني!!)


قلت معليش يالله مع السلامه

قال الله يسلمك بس حبيبتي لاتحرميني صوتك مت ماحصلت لك فرصه

قلت : طيب

قال: ريـــــمتي
===( ااااااااااااااالله يازين اسم ريم ودلعه
ريمتي)=====


قلت: هلا

قال: ^^^^^^ قولي أحــــــبـــــــــــك^^^^^^^

قلت: اممممم===( انحرجت مره وجهي حمر وخضر وزرق وكل الوان قوس قزح فيه)==

قال: يالله حبيبتي قوليها.

قلت:
يالله بااااي
. وسكرت الخط ومادري هوقال باي او سكرتها قبل مايقولها.




**نزلت اتعشى وانا بالي مومع العشاء ولا مع اهلي ولامع الدنيا كلها
بالي كله معاه
ياكلون ويشربون ,,هم بوادي وانا بوادي..
انا مع بندورتي مع حبيبي مع عمري
مع احلىىىىى صوت سمعته بحياتي
مع اللي جننته واخذت قلبه مثل ماأخذ قلبي
يااااااااالله مازين صوته واسلوبه وكلامه وضحكته
كل شئ فيه حلو

أكلت لي لقمتين على الطاير أسكت فيها امي وابوي
ورحت لغرفتي
وقعدت افكر فيه وفي كلامه لي
افكر في قلبي اللي حبه واختاره من بد البشر





مادريت الا وانا


8
8
8
يتبع

4 رد: استاذه آحاسيس صامته ابقي معي في الأحد فبراير 20, 2011 2:09 pm

ملك الغابة

avatar
مشرف منتدى الترحيب والتبريكات
(الحـــــــــــــلقة الخــــامسة ) `•.¸¸.•´´¯`••._.•`


مادريت الا وانا امسك قلمي واقرب ورقه واكتب ذا الكلام




اخر جمله كتبتها غمضت عيوني معاها وطاح راسي عليها
وجاء باكر وصحيت والورقه تحت خدي
ضحكت على نفسي وعلى شكلي


(هو كذا الحب يعمل في الواحد عمايل.؟؟؟؟)



أخذت الورقة وحطيتها في الدرج حق الكمبيوتر الخاص فيني

ولبست مريولي ورحت لمدرستي


عطيت ( مي ) الجوال وشكرتهاااااااااا


وقلت ماراح أنسى لك هالمعروف أبد والله يقدرني ارده لك..

قالت لي مي :
لا عادي وش أمرتي .. وانتي اخت قبل ماتكوني صديقة غاليه والجوال تحت أمرك..



*** تبووووووون الجد أنا ما ودي أعطيها الجوال .. مشتاقة أسمع صوته لا تستغربون تقولون ماامداها توها سامعته .. من جد مشتاقة اسمع لصووته ولضحكته آآآآآه ياضحكته تعجبني موووت***



مر الوقت بسرعه
وجيت للبيت وأنا بصراحة ماقدر اخبي شيء لأفراح كلمت أفراح

قلت لها

أفراح


قالت: هلا

قلت: عندي موضوع ابي اقوله لك

قالت: خير ان شاء الله قوليه

قلت : لا مايصلح بالتلفووون

قالت: !!! خير انشاء الله روووعتيني

قلت: ابي اشوفك في أقرب وقت

قالت: خلااااص بكره الأربعاء اشوفك عند خوالي.
قلت: لا الموضوع بيني وبينك مابغا بنات عمتي وبنات عمي يدرون عنه واكيد انهم بيجلسون معانا ولا راح اخذ راحتي


قالت: طيب بكره أول ما اطلع من الجامعه امر عليكم بس والله يصير موضوع سخيف أو إذا جيت وقلتي مشتاقة اشوفك ياويلك
قلت: هذا جزاي يعني..... انتي اعرفي الموضوع واحكمي.


قفلت الخط منها

ومسكت كتبي باحل واجباتي وباذاكر وعلى الساعة 9 جت( رغد) مسررررررررررعه وفتحت الباااااااب
ونااااظرتني وهي تضحك ومبسوطه.




صرخت عليها خيييييييييير أن شاء الله مافيه طق بااب مافيه سلاااااااام ولا كلااام


قااااااامت تضحك

قلت: وشفيك تضحكين... داخله وبقوه وانا منسجمه مع المذاكره روعتيني

وهي تضحك

واناظرها بقووة خير بلا ملاغه!!!!!!!!!


قالت: لا بس جيت ابقولك واذكرك ان نفس الوقت امس كنتي مع القرقار (ههههههههههههههاااااااي)



وطلعت...


هي طلعت وأنا عقلي رااح رااااااح له

لا تقولون ليه ماقالت قلبها لأن قلبي خذه واحتله من زمااااااان


ماتصدقون كيف انا مشتاااقة له ابي ادخل النت قلبي بيتقطع من الشوووووق ..( انتم حاسين فيني؟؟؟)..
لكن وش اسوي مااقدر ادخل بس خلااااااص بكره الإربعاء الله يصبرني







جاء من بكره ورحت للمدرسة ورجعت
وشوي وافراح تدخل علينا ومعها انواع الكتب والمجلدات

استغربت امي!! جيت افراح لنا هالحزه!!!
وانا طبعا اعرف السبب



أمي: أفراح غريبه وش جابك؟؟
أفراح: ليه ماتبوني

امي: لا بالعكس الساعة المباركة بس مو عادتك تجينا الظهر!! واليوم اربعاء و بالليل بنشوفكم

أفراح: اييييييه بس وش أسوي مشتاقه لكم ومليت من البيت واخواني وعندي بحث ومريت مكتبة الملك عبالعزيز اللي جنبكم باخذ مراجع قلت لابوي يحطني عندكم اوسع صدري ..




(أنا في لحظتها مادري شسوي .. اشوى ان ( أفراح) صرفتها...وهي عاد تحب أفراح مره وتحس انها بنت مثاليه وانها ................. الخ
ودايما تقارنا فيه وياليتكم تصيرون زيها وياليتكم.............. ,,,فأي شئ تقوله (افراح) او تسويه هو الصح.




وامي من النوع الشكاك.. والحساس أي تصرف غريب او طاري او مو زي العادة تحس ان وراه بلوى ان فيه مصيبه انه سر وطبعا وبلا شك بتسوي تحقيق وادعاء عام وووووو)


افراح على طول راحت لغرفتي وانا جيت ابطلع وتناديني


امي ديماااااااااااااا تعالي


ياااااارب وش تبي مني؟ ماقلت لكم أن امي مايمر الشيء عليها بسهوله
(( الله يستر منها))


أنا: نعم يمه

أمي: افراح وش جايبها

أنا : مدري بس هي قالت انها مشتاقه لنا انتي معانا يوم تقوله صح!!

أمي: ايه صح بس المشتاق مو يروح للغرفه ويتركنا

أنا الله يبلشس ياافراح والله صادقه امي والله وهقتيني) مادري عنها أسئليها


أمي: أيه طيب خلاااص روحي شوفي وش تبي منك أو أنتي وش تبين منها

أنا :===( يمه وش دراها كأنها داريه)=== ابتسمت ورحت




دخلت على افراح

أفراحوه اللحين مشتاقة لنا وتتركينهم دااريه وش قالت أمي؟

وش قالت؟؟

علمتها..

قالت (أفراح ) طيب بسررررررعه عطيني قميص وبالبسه وانزل وبقول معليش رقيت بسرعه لاني زهقت من ملابسي..

عطيتها ونزلت وتقهوينا وتغدينا وسولفنا وعلى اذان العصر صلينا
ورقينا الغرفه
وجت النشبه ( رغد ) معانا



جلست أمهد لها...



افراح أنا عارفه أني غلطانه بس يعني غصب علي بس شئ غصب عني وانا مادري كيف سويت كذا و..


أفر اح: أيه وبعدين ولا كلمه فهمتها قولي واخلصي
أنا: قلت لها كل شـــــــــــــــــــــــــــــــــي




انهبلت هي انتي صااااااااااحيه؟؟
يالله ياديما ماتوقعتك كذا؟؟؟

انا قلت مره معليش اسمعي صوته
بس عاد تطولينها مالك حق..
عيب والله عيب



قلت: لها شسوي غصب عني والله صرت احبه مره مره

وحتى اذا حبيته... تكلمينه؟؟

وانتي مصدقه ان فيه شئ اسمه حب؟؟؟
هو مسوي نفسه يحبك ويعنني وهو ماوراه الا الدجه نصااااااااااااااااب لعاااااااااااااااااااااب

وانتي تلعبين على نفسك وتسوين نفسك تحبين مثل صحباتك.
وانتي تلاقي قلبك لا يحب ولاشئ..



دخلت علينا امي وشايله بنت عمتي الصغيره وقالت يالله بسرررررررررعه البسوا وانزلوا
اليوم الاجتماع بالاستراحه وبتروح معنا عمتك لان زوجها مسافر يالللله بسرررررررررررعه بطلوا سوالف
وحكي ماتشبعون.........؟؟




يالله وش هالحظ الشين دايم مانروح الا المغرب وش زود اليوم بنروح العصر وبدري بعد!!

طبعا لبسنا وتجهزنا ولبست فروحه من ملابسي ورحنا

والموضوع انغلق طبعا...




وحنا بالاستراحه..سمعت افراح تكلم عمها بالجوال وكأنها تتكلم عن مراجع وبحث صعب ووو
لما خلصت سالتها وقالت لي ان عندها بحث من 50 صفحه ومالقت مراجع وطالبت من عمها ولقى بس مو نفس اللي تبيهن




قلت لها ان ( بندر) كان يسولف لي مره ويتكلم عن البحوث وكذا اشرايك اساله؟؟ يمكن يساعدك

قالت ياليت والله..

على الاقل نستفيد منه شئ.
علمتني عنوان بحثها



لما رجعنا متاخرين وفيني نوم نعسانه مره مره ومانمت الظهر عشان( افراح)
بس ما اقدر لازم ادخل النت عشان اشوف عمري وقلبي وروحي وانا ولهاااااانه عليه موت موت



دخلت ولقيته متصل ..

يااااااااااااااااااااااعمري يا ( بندر) سهرتك معاي


ساكت ومايرد علي



قلت يمكن ماوصله كلامي
كتبت له مره ثانيه


مارد

يالله وش فيه؟؟
كلامي يوصله اكيد
لان لو ماوصله كان كتب




تعذر تسليم الرساله لكافة المستخد مين:

كتبت بندر عمري وشفيك ماترد..

شفت تحت
7
7

لو تجمع حب العالم واحساس وشوق العالم ماتساوي ياعمري غلاك))

كتابة رسالة الان





فرررررررررررررحت مره مره


وفجاه توقفت..

كتبت له بندر الله يخليك كلمني...؟

واشوف يكتب وفجاه يوقف

شكله يكتب ويمسح!!!

لعب باعصابي





واخر شئ كتب لي




8
8
8
8
يتبـــــــع

5 رد: استاذه آحاسيس صامته ابقي معي في الأحد فبراير 20, 2011 2:50 pm

الشاعر يحي

avatar
مشرف النثر والخواطر
مشرف النثر والخواطر
يعطيك الف عافيه
معاك

دمت بود


_________________

6 رد: استاذه آحاسيس صامته ابقي معي في الأحد فبراير 20, 2011 4:07 pm

ابوعزوز

avatar
نائب المدير العام
روووعه تسلم اناملك

معاك للآخر ننتظر ابداعاتك



عدل سابقا من قبل ابوعزوز في الإثنين فبراير 21, 2011 12:59 pm عدل 1 مرات

7 رد: استاذه آحاسيس صامته ابقي معي في الأحد فبراير 20, 2011 6:02 pm

آحاسيس صامته

avatar
عضو جديد
والله اناعاجبتني رغوده
..
واصـــــل معاك
مبدع
..

8 رد: استاذه آحاسيس صامته ابقي معي في الجمعة مارس 04, 2011 7:39 am

زهور العشق

avatar
مشرفة منتدى مساهمات ومشاركات الأعضاء
مشرفة منتدى مساهمات ومشاركات الأعضاء
]روووعه تسلم اناملك


_________________

أحــــبــــــــ ابـــو سعــــــود 05ـــــــك


أنـا أحبك و حبك غيـر كيانـي واحـلوت وزانت أيامـي معـاك

أقولها بكل ما تحمـل من معانـي أحبك وأعشقك وأموت في هـواك

[أحبك حتى لو من حبك أعانـي حتى لـو تجافيني بتحمل جفـاك

أحبك قالـها قلبي قبـل لسانـي أحبك و كـل يوم يزيـد غـلاك



[img][/img]

ملكنا وحبيبنا ووالدنا وقائدنا

سيدي خادم الحرمين الشريفيين الملك عبدالله بن عبد العزيز ال سعود

ملك الانسانية ومحبوب الشعب
الحمدلله على السلامه يالغالي
واقول..
وحفظك الله للبلد ولسكان البلد

يا ملك الانسانيه وملك القلوب

9 رد: استاذه آحاسيس صامته ابقي معي في الأربعاء مارس 09, 2011 2:15 pm

ملك الغابة

avatar
مشرف منتدى الترحيب والتبريكات

أسعدني تواجدكم الرائع ياحلى اعضاء واحلى منتدى
I love you I love you I love you
لكم مني ارق تحيه

10 رد: استاذه آحاسيس صامته ابقي معي في الخميس أبريل 28, 2011 8:02 am

الموسيقار

avatar
عضو جديد
قصه جميييييييييييييييييييييييله
تسلمممممممممممممممممم

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى